Albert, izina ry’umuntu udakunda kwisanzura ku bandi

Yanditswe na Ishimwe Israel
Kuya 15 Ugushyingo 2016 saa 09:46
Yasuwe : XX
0

Albert ni izina rihabwa umwana w’umuhungu, rifite inkomoko mu Kidage ku izina Albrecht rikaba risobanura umuntu ushabutse mu ntekerezo kandi w’umuhanga. Bitewe n’igihugu bamwe bandika Alberto, Alberte, Albertos, Albarta , Alvértos n’ayandi.

Bimwe mu biranga ba Albert

Ni umuntu w’umuhanga kandi udapfa gucika intege, uba ushaka gukorera ahantu hatunganye. Ntabwo akunda gusabana cyane, iyo ari ahantu hari akavuyo aba yumva adatuje ndetse ukabona ko byamubangamiye cyane.

Albert ni umuntu usanga rimwe na rimwe atifitiye icyizere cy’ubuzima bwiza bw’ejo hazaza muri we, ahubwo ukunda kurakazwa n’ubusa.

Ni umuntu utinda kwemera, kugira ngo umwemeze bisaba ko uba ufite ibimenyetso bigaragara kandi bifatika, ukamenya no kubisobanura.

Albert yumva ko ibyo yagezeho abikesha imbaraga ze bwite ndetse no kwitwararika , kuri we ntiyemera ko amahirwe abaho.

Iyo akiri umwana, Albert aba agoye kuko aba akunda kwigunga kandi ntamenyera vuba igihe ubuzima buhindutse. Aba ari umwana uhitamo kuguma mu buriri bwe akaba ariho akinira ariko ntagere aho abandi bari ngo abisanzureho.

Albert akunze gukora ubucuruzi, imirimo y’ubugeni nko gushushanya, gutaka no gusiga amarangi, kwiga ibijyanye n’ubuvuzi bw’abantu n’ubw’amatungo, iby’amabanki ndetse n’iby’ubwubatsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza