Arnold, umuntu ukunze gutanga inkuru

Yanditswe na IGIHE
Kuya 9 Werurwe 2017 saa 07:30
Yasuwe :
0 0

Arnold ni izina rihabwa umwana w’umuhungu rifite inkomoko mu Kidage ku izina Arnwald risobanura umunyembaraga nk’inyoni ya Kagoma.

Ni izina rifite uburyo bwinshi butandukanye ryandikwamo, hari abandika Arnau, Arnoud, Arnout, , Arend, Arno , Arnold, Arn, Arnie,…

Bimwe mu biranga ba Arnold

Ni umuntu wigiramo icyizere kandi akabigaragaza , ni umuntu ugendera inzira imwe kandi uhora wifuza gusoza ibyo yatangiye adacitse intege. Iyo akoze ikintu cyiza cyangwa se kibi kirara kimenyekanye kubera ukuntu azwi, ahora atanga inkuru aho ageze ku buryo batamuyoberwa.

Ni umuntu ugira imyitwarire ivanze, rimwe ashobora kuba ari umunyamahoro, ubundi umunyamahane, hari ubwo yicisha bugufi hari n’ubwo yiyemera.

Arnold arakundwa kandi nawe yishimira gukorana no kugira inshuti zimwitaho. Ni umuntu utekereza ko icyo ashoboye gukora n’undi wese yakibasha , ibyo bigatuma atagirira impuhwe abanebwe.

Akunda gutembera , akajya mu buzima bushya , kugira ngo abashe kureba uko nabwo yashobora kububamo nk’umuntu uzi kwirwanaho.

Kubera gusabana no gukunda gukorana n’abandi, Arnold yanga kuba wenyine, ni umuntu udakunda akazi kamwicaza hasi, aba yifuza guhura n’abandi no kuba mu buzima bw’ubusabane.

Ni umuntu w’igenga, uzi kwirwanaho ku myaka yose yaba afite kandi ugendera ku ntego yo kwigira. Akunda kandi aharanira uburenganzira bwe ku buryo adashobora kwemera ikintu kimubabaje ngo wowe ukunde wishime.

Akunda kuba mukerarugendo, kuba umukinnyi w’imikino itandukanye, gukora mu mahoteli n’ibindi bituma amenyekana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza