Athanase, izina ry’umuntu utavuga ibimwerekeyeho

Yanditswe na Ishimwe Israel
Kuya 14 Ukwakira 2016 saa 06:54
46 31

Athanase ni izina rihabwa umwana w’umuhungu, rifite inkomoko mu Kigereki rikaba risobanura ‘udapfa’. Iyo ari umukobwa yitwa Athanasia cyangwa Athanasie.

Bimwe mu biranga ba Anastase

Ni umuntu w’umuhanga uvuga amagambo make, kandi utajya ashaka kuvuga ibimwerekeyeho ahubwo agahora yibaza ibyo abandi bamuvugaho

Nubwo abona amafaranga mu buryo bumworoheye, Athanase agira ubugugu, usanga adapfa kurekura, agahangayikishwa no kuba nta mafaranga afite kuko icyo yakora cyose kirayamwinjiriza.

Ni umuntu witanga kandi utajya wemera gutsindwa, arahatana akagera ku ntego ye.

Athanase ni umuntu ukunze kugirana ibibazo n’umuryango we bitewe n’uko atajya afata imyanzuro ihamye, icyo yemeye sicyo akora usanga yakoze ibitandukanye.

Nubwo acishamo agasabana, ajya agira n’igihe akaba nyamwigendaho kugira ngo yemeze koko ko hari icyo we ubwe yishoboreye.

Akunda ubutabera aba yumva yanarwana cyangwa agakora icyo ashoboye ariko agatabara abarengana.

Athanase akunda imikino ngororamubiri, imirimo y’amaboko ndetse ahora yifuza guhirwa no gutsinda mu byo yerekejeho amaboko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE