Honoré, izina ry’umuntu uzi kubana

Yanditswe na IGIHE
Kuya 15 Gashyantare 2017 saa 07:17
Yasuwe :
0 0

Honoré ni izina rihabwa umwana w’umuhungu rifite inkomoko mu kilatini ku izina Honorius risobanura ngo “uwubashywe”.

Bimwe mu biranga ba Honoré

Honoré ni umuntu uzi kubana neza n’abandi, imiterere ye ntawe ibangamira bigatuma yisanga akunzwe cyane. Ni umunyamahoro abaho mu buzima bwo kwicisha bugufi , ntabwo agira amahane cyangwa umushiha.

Agaragara nk’umuntu ujunjamye cyangwa usa nkaho adashabutse ariko araganira. Ni umuntu wanga kubabaza abandi , akanga akarengane ndetse agahora abirwanya.

Agira amarangamutima cyane ku buryo hari abamugereranya n’abagore kubera kugira impuhwe cyane. Afata vuba mu mutwe, mbese no kwiga ntibimuvuna kuko adasubirishamo icyo wamweretse gukora.

Mu rukundo agaragaza amarangamutima cyane hakaba ubwo bifashwe nk’uburyarya bakamwanga ariko niko aba ateye. Aba yifuza nawe gukundwa nk’uko nawe akunda kandi akabigaragaza. Iyo akiri umwana , Honoré aba ari umutesi nta kintu yitaho ndetse akenshi arabikurana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza