Irina, izina ry’umukobwa uzi gushakisha ifaranga

Yanditswe na IGIHE
Kuya 4 Gashyantare 2017 saa 08:00
Yasuwe :
0 0

Irina ni izina risobanura kimwe na Irène; rihabwa umwana w’umukobwa rikaba rituruka mu Kigereki ku izina Eirene ,bisobanura ‘amahoro’.

Eirene ni ikigirwamana cy’amahoro abagereki basengaga.

Ni izina ryandikwa mu buryo butandukanye bitewe n’igihugu, bamwe bandika Eirene, Irène, Irina, Irena, Ena, Irenka, Irine, Irén, Eireen , Iria, Irinushka , Iryna.

Ni izina rikunze gukoreshwa mu Burusiya, Ukraine, Bulgarie, u Bugereki n’ahandi.

Bimwe mu biranga ba Irina

Irina akunda gutungurana akigaragaza mu buryo budasanzwe nubwo bantu bamubonamo,akora ku buryo arangwa n’udushya kandi ari we utwihimbiye.

Ni umuntu wihagararaho abantu bakamubonamo umuntu uhamye uhangana n’ibibazo by’ingutu nyamara ahubwo imbere muri we ari umuntu woroshye, ukomereka vuba ndetse utigirira icyizere ariko akabihisha cyane.

Ni umuntu ubirengaho akaba umuhanzi cyane cyane mu bijyanye n’ubugeni, agakunda akazi kandi akabonera igisubizo buri kintu cyose.

Agira umutima mwiza, ahora akeye ku maso kandi ibyo bimufasha kwigarurira abantu benshi dore ko azi no kuganira n’abantu bose.

Akunda gukina, gusabana n’ibindi bintu byose bimuhuza n’abandi akumva yishimiye ubuzima.

Ni umunyamatsiko ku bijyanye n’imiterere y’ibiremwa bitangaje; ni umuntu ubasha gukora ibintu byinshi kandi mu gihe kimwe bitamufashe kubyigaho ngo ikintu cyose agishakire umwanya wacyo.

Ni umuntu wicara ku kintu akagikora ariko akarangwa no kuvuga amagambo menshi ndetse akarakazwa n’ubusa.

Imiterere yabo ituma bagira ibyo bageraho kuko bazi gukurura abantu no kumenya ibyo babakeneyeho.

Irina akunda kwitabwaho no guhorana n’inshuti ze mu byo arimo byose kandi bimutera imbaraga agakora cyane.

Iyo akiri umwana aba akeneye gukundwa, gufashwa no kwitabwaho kugira ngo ubuhanga bwe bwo mu ishuri butamupfira ubusa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244