Mazimpaka, izina risobanura gukuraho urujijo

Yanditswe na Philbert Girinema
Kuya 1 Ukuboza 2016 saa 09:41
Yasuwe :
0 0

Mazimpaka ni izina ry’abagabo naho byagera ku bagore bakitwa ba Mukamazimpaka, Nyiramazimpaka n’ayandi.

Iri zina risobanura ngo ‘nta rujijo rukiriho ukundi’, ‘birasobanutse’ cyangwa se ‘birarangiye’.

Ibisobanuro byimbitse

Abantu bo hambere bakundaga kugenura, iyo rero nk’umubyeyi babaga baravuze ko atabyara, iyo yagiraga Imana akabona arabyaye yitaga umwana we Mazimpaka,yaba umukobwa ati ni Mukamazimpaka n’ayandi.

Bikaba bisobanuye ko akuyeho urujijo kubamwitaga ingumba cyangwa ikiremba.

Hari nubwo kandi yabiterwaga n’ikibazo runaka afite gikomeye kandi cyari gifitweho ingingimira nk’urubanza cyangwa ikindi kimugoye, maze cyava mu nzira,akiruhutsa ati “uyu mwana ni Mazimpaka”

Umwanzuro

Mazimpaka bivuze gukuraho urujijo kuko no mu buzima busanzwe usanga abantu bagira bati” Ngwino utumare impaka cyangwa se udukiranure”. Mazimpaka ni nko kuvuga ngo ni Nkiranuye

Ibi bisobanuro byatanzwe n’Inteko Nyarwanda y’Ururimi n’Umuco RALC


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza