Perezida Kagame yari kuba umu-enjeniyeri iyo atajya muri politiki

Yanditswe na IGIHE
Kuya 23 Kanama 2018 saa 01:59
Yasuwe :
0 0

Perezida Kagame yatangaje ko iyo aza kuba atari Umukuru w’Igihugu, bishoboka ko aba yarakurikiye amasomo amubashisha kuba umuntu uhanga udushya.

Paul Kagame w’imyaka 60, yinjiye mu bikorwa bya politiki akiri muto yemera gucikiriza amashuri kugira ngo we n’urundi rubyiruko babohore igihugu cyari mu bihe bibi byaganishije no kuri Jenoside yakorewe Abatutsi.

Mu kiganiro na CNBC Africa, yabajijwe icyo yumva yari gukora iyo aza kuba magingo aya atari Umukuru w’Igihugu.

Yasubije ko yari gukurikira amasomo amubashisha guhanga udushya kuko yakuze abyiyumvamo.

Ati “Mu buto bwanjye, nakundaga gukora, kubaka ibintu binyuranye. Ahari nashoboraga kuba narakurikiye ibyashoboraga gutuma mba nk’aba bantu ba ba Enjeniyeri cyangwa undi muntu uhanga udushya kugira ngo hagire ibyo akora…umubaji, umukanishi.”

Muri icyo gihe nk’umuturage usanzwe, ngo hari ibyifuzo yari gusaba Perezida we birimo ko Guverinoma itabangamira abashaka kwiteza imbere.

Ati “Ba Perezida bayobora ibihugu, abantu, ibya politiki n’ibindi. Nari kumubwira nti geregeza gukora ibishoboka bitabangamira abaturage mu kugaragaza ubushobozi bwabo bwo gukora icyo bashaka gukora.”

“Kora ibishoboka byose ku buryo Guverinoma itabangamira uburenganzira bw’abaturage mu kugera ku ndoto zabo.”

Muri iki kiganiro, Umukuru w’Igihugu yabajijwe ibibazo bitandukanye birimo ibijyanye n’Umuryango wa Afurika yunze Ubumwe ayoboye muri iki gihe, ubucuruzi, ishoramari ku mugabane n’ibindi.

Yavuze kandi ku ntambwe u Rwanda rwateye nko mu kurwanya ruswa, avuga ko hakiri inzira ndende kuko bidashoboka kurandura rushya burundu ahubwo ko wayigabanya ku kigero cyo hasi bishoboka.

Perezida Kagame yatangaje ko iyo atajya muri politiki, yari kuba umu-enjeniyeri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza