Wole Soyinka utarishimiye intsinzi ya Trump yimukiye muri Afurika y’Epfo

Yanditswe na Mukaneza M.Ange
Kuya 3 Mata 2017 saa 08:19
Yasuwe :
1 0

Nyuma yo gutangaza ko azava muri Leta Zunze Ubumwe za Amerika, Donald Trump naramuka atsinze amatora, umwanditsi Wole Soyinka ukomoka muri Nigeria yafashe umwanzuro wo kujya gutura muri Afurika y’Epfo.

Umwaka ushize nibwo Soyinka wahawe igihembo cyitiriwe Nobel mu 1986, yatangaje ko atazakomeza gutura muri Amerika, igihe Donald Trump yaba atsinze amatora.

Mu Ugushyingo 2016, nibwo uyu mukambwe w’imyaka 83 wari umaze imyaka 20 atuye muri Amerika aho yakoraga muri Kaminuza ya New York, yasubije ibyangombwa bimwerera gutura muri iki gihugu (Green Card).

AFP dukesha iyi nkuru, ivuga ko Soyinka waranzwe no kutaniganwa ijambo ndetse akaza no gufungwa hagati ya 1967-1969, avuga ko adashyigikiye iyubakwa ry’urukuta hagati ya Mexico na Amerika ndetse akaba atiyumvisha uburyo ama miliyoni y’abanyamerika yashyigikiye Trump.
Agiye gutura muri Afurika y’Epfo, ndetse bivugwa ko ashobora guhabwa akazi ko kwigisha muri kaminuza ya Johannesburg.

Akinwande Oluwole "Wole" Babatunde Soyinka, wavukiye muri Nigeria mu 1934, ni umwanditsi w’imikino n’imivugo, yabaye umunyafurika wa mbere wahawe igihembo cyitiriwe Nobel mu bijyanye n’ubuvanganzo.

Ubwo 2014 yamurikaga igitabo cye "Crucible of the Ages: Essays in honour of Wole Soyinka at 80", Perezida Paul Kagame wari witabiriye uyu muhango wabereye muri Ghana yashimye uruhare rwa Soyinka mu kwifatanya n’u Rwanda mu guhagarika Jenoside yakorewe Abatutsi mu 1994, abinyujije mu nyandiko yavugaga ko ubwicanyi bukwiye guhagarikwa.

Wole Soyinka utarishimiye intsinzi ya Trump yimukiye muri Afurika y’Epfo

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza