Kigali: WFM yakoze ivugabutumwa ry’ihumure ku barokotse jenoside

Yanditswe na
Kuya 11 Mata 2014 saa 07:25
Yasuwe :
0 0

Mu rwego rwo kwifatanya n’abandi Banyarwanda mu cyunamo cyo kwibuka ku nshuro ya 20 Jenoside yakorewe abatutsi mu Rwanda, umuryango Women Foundation Ministries wakoze gahunda y’ivugabutumwa yise “Umuyaga w’umucyo” mu rwego rwo gutanga ihumure n’isanamitima ry’abana b’igihugu, ndetse n’ibikorwa byo gufasha imiryango y’ababuze ababo muri jenoside.
Iryo vugabutumwa ryakorewe mu duce dutandukanye tw’umujyi wa Kigali rikaba ryaratangiye tariki ya 7 Gashyantare 2014. Ibyo bihe by’ivugabutumwa byamaze (...)

Mu rwego rwo kwifatanya n’abandi Banyarwanda mu cyunamo cyo kwibuka ku nshuro ya 20 Jenoside yakorewe abatutsi mu Rwanda, umuryango Women Foundation Ministries wakoze gahunda y’ivugabutumwa yise “Umuyaga w’umucyo” mu rwego rwo gutanga ihumure n’isanamitima ry’abana b’igihugu, ndetse n’ibikorwa byo gufasha imiryango y’ababuze ababo muri jenoside.

Iryo vugabutumwa ryakorewe mu duce dutandukanye tw’umujyi wa Kigali rikaba ryaratangiye tariki ya 7 Gashyantare 2014. Ibyo bihe by’ivugabutumwa byamaze amezi abiri, bizasozwa n’igitaramo cyiswe “Ijoro ry’icyizere” rizabera ku cyicaro cya Women Foundation Ministries ku Kimihurura kuwa Gatanu tariki ya 18 Mata i saa moya z’ijoro.

Ibi bitaramo byagiye byitabirwa n’Abanyarwanda bose, byaranzwe kandi n’indirimbo zo gushima Imana, ubuhamya bwa bamwe mu baciste ku icumu, gucana urumuri no kwatura amagambo yubuka ku Rwanda; byose bikaba byabaga biyobowe n’Intumwa Alice Mignonne Kabera nanone byitabirwa n’ubuyobozi bw’inzego z’ibanze aho nazo zashishikarije Abanyarwanda kwibuka biyubaka.

Abayobozi bafatanyije na WFM barimo umuyobozi wungurije mu karere ka Kicukiro, Uwayisaba Florence na Nderabahizi Remon Chrethien, Gitifu w’Umurenge wa Kinyinya ndeste nabari bahagarariye ibuka muri iyo mirenge.

Women Foundation Ministries, ni Umuryango wa gikristo udaharanira inyungu washinzwe na Alice Mignonne Kabera, ukaba ushishikajwe no gusana imiryango binyuze ku mugore, aho bafashwa gukura mu buryo bw’umwuka binyuze mu kwigishwa ijambo ry’Imana ndetse no kumufasha kwiteza imbere mu buryo bufatika kugira ngo arusheho kwita ku rugo neza.

WFM yafashije abarokoste Jenocide bagera ku 141.

Hanatanzwe ubufasha ku barokotse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza