Impamvu abagore batanga bakangira abagabo gutera akabariro

Yanditswe na Umutoni Rosine
Kuya 1 Ukuboza 2017 saa 05:13
Yasuwe :
0 0

Aho nsengera twagize umwiherero w’abantu bubatse ingo, ni umwiherero uba buri wa Gatandatu wanyuma w’ukwezi , abenshi baba bari mu myaka iri hagati ya 30 na 40.

Twari dufite insanganyamatsiko yihariye yavugishije benshi igira iti “ Ndashaka gutera akabariro nonaha, iryo ni ijwi ry’umugabo.”

Mu byukuri ni igitekerezo cyatanzwe n’abagabo nyuma yo gusanga hari amapfa yo kudatera akabariro mu ngo nyinshi z’abashakanye.

Abagabo bagaragaje akababaro kabo ko kuba abagore barimo bagenda babatererana, bityo bakaba bari bakeneye inama za Pasiteri wacu ariko n’abagore babo bahari.Wari umwiherero urimo kwirekura buri wese akavuga ikimuri ku mutima

Umwe yagize “Ndabizi umugore araza kundakarika kubyo ngiye kuvuga ariko umugore wanjye ahora ambwira ko arwaye umutwe iyo mubwiye ko nshaka ko dukora imibonano mpuzabitsina.”

Undi mugabo yahise akoma mu mashyi ati “ Bivuge sha bivuge rwose, abagore bahorana impamvu zidashira, rimwe ngo barwaye umutwe, ubundi bari mu mihango, ubundi ngo barananiwe n’ibindi.”

Undi mugabo yagaragaje akababaro ke ati “Hari n’abagore baba badafite akazi bahora mu rugo , ntacyo bakoze umunsi wose ariko bakakubwira ngo barananiwe.”

Muri uwo mwiherero abagore ntibigeze babihakana cyangwa ngo banyomoze ko ataribyo.

Pasiteri ati “ Munyumve mwa bagabo, ibyo muba mwiteze ku mugore uvuye ku kazi saa tatu z’ijoro harimo kureba niba mu rugo ibintu byose bimeze neza, kureba niba abana bakoze umukoro ku ishuri babahaye; kumenya niba amafunguro yateguwe neza; gutera ipasi imyenda muzambara bukeye bwaho; maze akagera mu buriri saa tanu z’ijoro aziko agomba kuzinduka akajya mu kazi. Ese ubwo koko murumva yaba afite ubushake bw’imibonano mpuzabitsina?”

Pasiteri yagaragaje ko ibyo abagore bose baba babihuriyeho ariko nubwo bimeze bityo ubushakashatsi bugaragaza ko uko abashakanye bakora imibonano mpuzabitsina kenshi ari nako barushaho kubana bishimye, ko kutayikora hari umunezero baba barimo kwivutsa.

Inzobere mu by’ubuzima bw’abashakanye nazo zemeza ko byibura abashakanye bagomba gutera akabariro rimwe mu cyumweru. Ibyo rero usanga bitagerwaho ku bagore bafite akazi cyangwa se no kuri bamwe birirwa mu rugo.

Nubwo igikorwa cyo gutera akabariro ari ingenzi mu buzima bw’abashakanye , usanga akazi abagore bakora kabambura kugira ubwo bushake ndetse bakaba nta n’imbaraga bafite.

Igitandukanye no ku bagabo, ni uko abagore bakora akazi ko kubabeshaho bakagaruka bagakora n’akazi ko mu rugo , ibyo bituma bajya kuryama bananiwe cyane mu gihe umugabo we yiteze ko n’icyo gikorwa kigomba kubaho.

Pasiteri ati " Abagabo iyo batashye baricara bakaruhuka, akabanza akareba televiziyo arindiriye ko baza kuza kumwitaho nk’umwami mu gihe umugore atagira ako kanya ko kwitabwaho."

Nubwo Pasiteri yagaragarije abagabo impamvu abagore bafite ishingiro mu kudakunda imibonano mpuzabitsina rimwe na rimwe, yaneretse abagore ko ibyo bitagomba kuba impamvu yo guharika icyo gikorwa.

Ati “ Bagore izo ntabwo ari impamvu zo gutuma ubuzima bwanyu muvanamo icyo gutera akabariro, iki kiganiro cyari icyo kubakangura ngo mumenye ko hari ibyo mutarimo kuzuza mu buzima bw’abashakanye kuko ni igikorwa gishimisha.”

Umugabo watanze igitekerezo cye yagize ati " Byose biterwa na gahunda umuntu yiha, ntabwo wahora unaniye cyangwa uhuze iminsi irindwi kuri irindwi n’amasaha 24 kuri 24."

Iyi ni inkuru dukesha The Standard yanditswe n’umubyeyi ufite akazi, ufite abana, akanita ku rugo; agaragaza ko byose bishoboka bitewe n’uburyo umuntu yihamo gahunda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza