Menya ibintu ukora buri munsi bishobora gutuma usaza vuba

Yanditswe na Tombola Felicie
Kuya 17 Werurwe 2017 saa 11:26
Yasuwe :
17 0

Mu buzima bwa muntu, aravuka agakura ndetse agasaza, gusa akenshi usanga hari abashobora gusaza imburagihe ndetse n’abagaragara nk’abakiri bato kandi bafite imyaka myinshi, byose biterwa n’uburyo babayeho n’uko biyitaho.

Hari abo usanga barazanye iminkanyari, abandi bafite uruhara, uruhu rwarakobanye ariko burya ngo bamwe baba babigizemo uruhare runini uretse ko hatakwirengagizwa n’ababikomora ku ruhererekane rwo mu miryango bavukamo.

Urubuga Elcrema rwagaragaje ibintu umunani umuntu ashobora gukora buri munsi bigatuma agaragara nk’ushaje n’iyo yaba ari muto mu myaka.

1.Kumara igihe kinini uri ku zuba

Kumara umwanya munini ku zuba, bigira ingaruka ku ruhu, ugasanga uruhu rwarakanyaraye ndetse no ku gahanga haje iminkanyari kubera izuba ryinshi.

2. Kudasinzira neza

Hari ingaruka nyinshi ziterwa no kubura ibitotsi no kutabona umwanya uhagije wo gusinzira. Bitera kwiyongera ibiro, umuvuduko w’amaraso, imikorere idahwitse y’ubwonko, ugatangira kumva ko ushaje mu mitekerereze n’imikorere.

3. Kudakora imyitozo ngororangingo

Iyo ubaho udakora imyitozo ngororangingo, uba urimo kwishajisha vuba kandi birushaho kuba bibi iyo umuntu agenda akura. Iyo ukuze usanga nta mbaraga ufite bitewe n’uko utamenyereje imitsi yawe ndetse n’umubiri ngo uhorane itoto.
Abakora imyitozo ntibapfa gusaza, usanga n’iyo bafite imyaka myinshi imisazire yabo iba itandukanye n’iy’abandi bakuze badakora siporo.

4. Guhora wumva umuziki ukoresheje ‘écouteur’

Abantu benshi cyane urubyiruko bakunda gukoresha écouteur bumva umuziki; ibi bishobora gutuma amatwi yangirika.

Akenshi iyo bimaze igihe kinini mu gihe runaka ukumva umuntu arakubwira ngo ntabwo akibasha kumva bitewe n’ingaruka z’utwo dukoresho. Uwo na we aba ashaje imburagihe kandi ari we wabyikururiye.

5. Gukunda isukari nyinshi

Isukari nubwo iryohera burya ni uburozi, hari abatabimenya bakayihata mu buryo bukomeye kandi ibagiraho ingaruka mu kwangiza uruhu no gukurura indwara zimwe zitanakira.

Iyo isukari yangije umubiri wawe ingaruka zo kugira uruhu rushaje utangira kuzibona guhera ku myaka 35. Kandi si ibyo gusa kuko biba byaranakuruye indwara nyinshi zishobora kuguhitana isaha n’isaha.

6. Kwitera umunaniro ukabije

Umunaniro ukabije no gusaza biragendana, uko ugira umunaniro ukabije, niko uburyo ugaragara inyuma bwerekana ko ushaje cyane.

Umunaniro ukabije wongera imisemburo yitwa Cortisol na norepinephrine itera umuvuduko ukabije w’amaraso ikanagabanya ubudahangarwa bw’umubiri, ukajya urwaragurika cyane.

7. Kutaganira n’inshuti n’abo mu muryango wawe

Iyo uganira n’abo mu muryango wawe ndetse n’inshuti, mwumva ibintu kimwe bigatuma uhorana itoto, wishimye, iyo ibyo bitabaho umera nk’uri mu bwigunge.
Abahanga bavumbuye ko kugirana ibiganiro n’abawe cyangwa inshuti birinda indwara yo kwiheba, bigafasha umuntu kuramba kandi bikamurinda kugaragara nk’ushaje igihe akiri muto.

8. Kutarya imbuto n’imboga

Imbuto n’imboga birunganirana mu gutuma umuntu agaragaza itoto, ibaze rero uburyo uba wiyangiza iyo ibyo byombi utabifata inshuro nyinshi.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244