PMA yatangije gahunda yo kwigisha abana kuzavamo abayobozi

PMA yatangije gahunda yo kwigisha abana kuzavamo abayobozi


Yanditswe kuya 23-07-2012 - Saa 08:31' na IGIHE

Sosiyete imenyerewe mu byo kwerekana imideri, kwamamaza, gukora Protocol mu birori no mu manama atandukanye izwi ku izina rya Premier Model Agency LTD (PMA) ; ubu yatangiye gahunda nshya yo gutoza abana bakiri bato kwitegura kuzavamo abayobozi beza bejo hazaza mu nzego zitandukanye.

Ibi bizagerwaho biciye mu kubigisha umuco mwiza wo gukunda igihugu (Patriotism), indangagaciro nziza (Good Values ), Kumenya kuyobora (Leadership skills), kwakira abantu neza (Protocol & Customer care), kwisobanura mu ruhame (Public Speaking), kumenya impano yawe ukiri muto(Talent detection), kubyina no kuririmba mu njyana za gakondo(Traditional dances & songs), kwerekana imideri(Modelling) n’ubushyushyarugamba (Mc-ing).

Iki gikorwa kigiye gutangirana n’ikiruhuko cy’igihembwe cya kabiri kandi kikazatangirana n’abana 100 bazigishwa n’inzobere muri ibyo bintu ; barangajwe imbere n’umuyobozi wa PMA Ndayishimiye Jean Claude na Courtney Alisha Cole inararibonye mu birebana no kuganira no kwisobanura mu ruhame (communication and public speaking) ndetse n’irindi tsinda ry’abantu babifitemo ubumenyi n’ubunararibonye bazaba bari gukorana.

Abazitabira ibi ni abana b’abakobwa ndetse n’aba bahungu bari hagati y’imyaka 5 kugeza kuri 20, kwiyandikisha bikaba bibera ku Kicukiro kuva tariki ya 20 Nyakanga 2012 mu nzu Radio Authentique ikoreramo k’umuhanda ujya kuri Bralirwa buri munsi kuva saa tanu za mu gitondo(11h00 AM) kugeza saa kumi n’ebyiri z’umugoroba (18h00 PM).

Aba bana bazigishwa, bazakomeza no mu kiruhuko gikuru maze habeho igikorwa cy’amarushanwa no gutanga ibihembo ku bazaba barushije abandi gufata ibyo bize no kubishyira mu bikorwa. Hazabaho kandi igikorwa cyo kwerekana imideri (defile de mode) ku abana bato, kurushanwa mu mbyino no mu ndirimbo Nyarwanda, gutora Miss Kid (Beauty Pageant) n’ibindi bitandukanye.

Premier Model Agency (PMA) izanye Ab Project nyuma yo gutegura ibikorwa bindi bitandukanye birimo nka “Professional models that exhibit virtue” cyabereye muri Serena Hotel, Bye Bye Nyakatsi fashion show bafatanyije na RDGN (Rwanda Diaspora Global Network), United We Stand bafatanyije na MINISPOC.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO