Kigali: Car Wash imodoka zizozwa n’abagore b’ibyamamare harimo na Miss Rwanda

Yanditswe na Olivier Muhirwa
Kuya 7 Ukuboza 2012 saa 01:50
Yasuwe :
0 0

Bitewe n’umutima ufasha, bamwe mu bagore, barimo na Miss Rwanda, ndetse n’abandi ba Miss bo mu bihe bitandukanye biyemeje koza imodoka kuri Car wash mu rwego rwo gukusanya inkunga izahabwa abana b’abakobwa birera mu Muryango Uyisenga n’Imanzi.
Nk’uko twabitangarijwe n’umwe muri bo Eminante akaba n’umunyamakuru kuri Radiyo Contact FM, yatubwiye ko nk’Abanyarwandakazi biyumvamo ubumuntu, ndetse bakunda igihugu cyabo biyemeje gutegura igikorwa cyatuma haboneka inkunga yo gufasha bagenzi babo bo mu (...)

Bitewe n’umutima ufasha, bamwe mu bagore, barimo na Miss Rwanda, ndetse n’abandi ba Miss bo mu bihe bitandukanye biyemeje koza imodoka kuri Car wash mu rwego rwo gukusanya inkunga izahabwa abana b’abakobwa birera mu Muryango Uyisenga n’Imanzi.

Nk’uko twabitangarijwe n’umwe muri bo Eminante akaba n’umunyamakuru kuri Radiyo Contact FM, yatubwiye ko nk’Abanyarwandakazi biyumvamo ubumuntu, ndetse bakunda igihugu cyabo biyemeje gutegura igikorwa cyatuma haboneka inkunga yo gufasha bagenzi babo bo mu Muryango Uyisenga n’Imanzi.

Iki gitekerezo cyazanywe na Ingabire Nellie Umuyobozi Wungirije w’ishyirahamwe ry’abafite amahoteri na za resitora mu Rwanda akaba na Nyiri Stone House, avuga ko iki gikorwa kizakorwa kuri iuyu wa Gatandatu tariki ya 08 Ukubuza 2012.

Iki gikorwa gishyigikiwe kandi na Umurerwa Evelyne umunyamakuru wa Televiziyo y’u Rwanda, ndetse na Aurore Kayibanda Umutesi Nyampinga w’u Rwanda n’ubwo aherutse gupfusha musaza we ariko nawe ngo azaza kwifatanya n’abandi ndetse n’abandi bagiye bambara amakamba ya Nyampinga mu bihe bitandukanye.

Aba bose ndetse n’abandi bakobwa batavuzwemo hano bakazaba boza imodoka z’abakiriya, abo aribo bose baje kogesha muri Car Wash!

Nellie na Evelyne bategute igikorwa

Iki gikorwa rero nk’uko Umurerwa Evelyne yabidutangarije ngo kizaba hagati y’amasaha ya sayine za mu gitondo na saa cyenda z’umugoroba, ndetse ngo si ukoza imodoka gusa kuko ngo hateguwe n’abahanzi bazasusurutsa abitabiriye uwo muhango, ibyo kunywa no kurya ndetse n’ababyeyi bashobora kuzana abana babo kuko hazaba ibikinisho byabo maze bakidagadura.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza