Ubutane bw’abashakanye: Ingaruka ku bana

Yanditswe na Olivier Muhirwa
Kuya 3 Mata 2013 saa 02:49
Yasuwe :
0 0

Mu gihe ubutane bw’abashakanye bukomeza kugenda bubaho ndetse bigafatwa nka kimwe mu bisubizo bya burundu byo gushaka amahoro mu muryango, ibi bigira ingaruka zitandukanye ku bana baba bagiye kurerwa batari kumwe n’ababyeyi babo bombi.
Nk’uko itegeko ribigena, mu gihe habaye ubutane abana basigarana na nyina iyo batagejeje ku myaka 7, baba bayirengeje hagakurikizwa amikoro y’umwe mu babyeyi babo, ariko ibi nti biba bihagije ku burereumwana akenera.
Bimwe mu bibazo aba bana bahura nabyo harimo (...)

Mu gihe ubutane bw’abashakanye bukomeza kugenda bubaho ndetse bigafatwa nka kimwe mu bisubizo bya burundu byo gushaka amahoro mu muryango, ibi bigira ingaruka zitandukanye ku bana baba bagiye kurerwa batari kumwe n’ababyeyi babo bombi.

Nk’uko itegeko ribigena, mu gihe habaye ubutane abana basigarana na nyina iyo batagejeje ku myaka 7, baba bayirengeje hagakurikizwa amikoro y’umwe mu babyeyi babo, ariko ibi nti biba bihagije ku burereumwana akenera.

Bimwe mu bibazo aba bana bahura nabyo harimo agahinda baterwa no kuba babona ababyeyi babo batabana, kandi babona ibyiza byo kugira ababyeyi bumvikana kuri bagenzi babo bangana cyangwa bigana.

Uretse agahinda, aba bana banahura n’ikibazo cyo kutabonerwa umwanya wo kuganirizwa ngo bagirwe inama, aho bamwe iyo badakurikiranywe neza ugasanga bishora mu ngeso mbi z’uburara no kunywa ibibyabwenge, ndetse bakanakurizaho kudindira mu ishuri cyangwa kuyavamo bitewe n’imirimo imwe n’imwe ituma umubyeyi atita uko bikwiye ku burere bw’abana.

Umunyabanga Nshingwabikorwa wa Komisiyo y’Igihugu y’Abana, Nyiramatama Zaina aganira na IGIHE kuri telefoni, yatangaje ko iyi Komisiyo igiye gushyiraho abajyanama b’ubuzima bw’abana mu midugudu kugirango bajye babasha kumenya imibereho yabo y’umunsi ku munsi. Yakomeje asaba ababyeyi ko batajya bereka abana urwango ruri hagati yabo, kuko bibahungabanya mu bwonko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza