Kwamamaza

Amaze imyaka 16 agurisha indabo abakundanye ariko we ntiyaziha umugore we

Yanditswe kuya 15-02-2015 saa 15:54' na Mudandi Frank}


Ntihabose Vincent w’imyaka 47 y’amavuko umaze imyaka 16 acuruza indabo mu Murenge wa Nyarugenge mu Mujyi wa Kigali, yemeranya n’abagurira abakunzi babo indabo cyane cyane ku munsi w’abakundanye wizihizwa ku itariki ya 14 Gashyantare ariko we yemeza ko adashobora kuziha umukunzi we.

Ntihabose Vincent w’imyaka 47 y’amavuko umaze imyaka 16 acuruza indabo mu Murenge wa Nyarugenge mu Mujyi wa Kigali, yemeranya n’abagurira abakunzi babo indabo cyane cyane ku munsi w’abakundanye wizihizwa ku itariki ya 14 Gashyantare ariko we yemeza ko adashobora kuziha umukunzi we.

Ku myaka 47 afite ngo ngo ntashobora guha umugore we impano y’indabo ku munsi w’abakundanye nk’uko yabigaragaje ubwo yaganiraga na IGIHE ku munsi yazihaga abakundanye bitegura abakunzi babo kuri Saint Valentin.

Yagize ati “Ku myaka dufite ntabwo indabo ari yo mpano namuha nubwo nzicuruza; nshobora kumusohokana n’abana hanyuma nkagira n’akandi namugurira.”

Indabo azigurisha abandi ariko we ntiyazikoza umukunzi we

Yakomeje avuga ko ubwo ari bwo buryo abona bujyanye n’imyaka bagezemo, kandi ko umunsi w’abakundanye awuha agaciro nubwo akunda umufasha we uko bukeye n’uko bwihe.

Ati “Uyu ni umunsi mpa agaciro cyane, yego tuba tumaze gukura, ariko uko dukura niko urukundo ruba rukura, ni yo mpamvu nywuha agaciro cyane nubwo n’indi minsi tuba dukandana.”

Twizerimana Elizaphane w’imyaka 21 utuye mu Nyakabanda mu Karere ka Nyrugenge , yavuze ko impano yateguriye umukunzi we ari agakufi keza, yemeza ko urukundo rwabo ruzakomeza kugeza aho bazarushinga.

Bamwe mu babyeyi bakuze uyu munsi bo ntibawuha agaciro bumva ko ureba abakiri bato aho bamwe banababazwa n’uko wumviswe nabi m rubyiruko ukaba ukorwamo ubusambanyi kurusha kuwuha agaciro nyiir’izina.

Uyu munsi witiriwe Saint Valentin wakomotse ku mupadiri w’Umuromani, Valentin, wabayeho mu gihe cy’Umwami w’Abami, Claudius II ahagana mu myaka ya 269 na 273 nyuma y’ivuka rya Yezu Kirisitu, akicwa ahowe urukundo.

Uyu munsi wizihizwa kuya 14 Gashyantare buri mwaka bikaba bivugwa ko abakundana ku Isi hose bahana impano zitandukanye zigera kuri miliyari n’igice 83.6% akaba ari abagore baziha abo bakunda.

Mudandi Frank


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 12 Ukwakira 2016
Copyright © 2009 -2014 - IGIHE Ltd - All Rights Reserved