Gusoma ubutumwa bwandikirwa umugabo we bigiye kumusenyera

Yanditswe na Ferdinand Maniraguha
Kuya 31 Gicurasi 2016 saa 08:12
Yasuwe :
0 0

Ni umugore uvuga ko adashobora kuryama adasomye ubutumwa bugufi bwandikirwa umugabo, uko abusomye ngo ntaburamo ubw’abagore bamubwira ko ari mwiza, yambara akaberwa n’ibindi bitandukanye bituma uru rugo ruhoramo induru none uyu mugore ngo yafashe umwanzuro wo kwahukana.

“Uri umugabo w’igikundiro, uyu munsi wari wambaye neza, nkunda amaso yawe, ndifuza gusangira nawe, uzampe umwana n’ibindi.”

Ubu ni bumwe mu butumwa uyu mugore watugishije inama avuga ko bwandikirwa umugabo we kuri telefone, whatsapp, Facebook ndetse no kuri e- mail.

Nk’uko akomeza abivuga, ngo ubutumwa nk’ubu ntasiba kububona bwandikirwa umugabo we mu myaka itanu bamaranye.

Yagize ati “Iyo mbubonye mbura amahoro nkananirwa gusinzira. Iyo ngize icyo mubazaho induru ziravuga mu rugo, ubuse nyuma y’ubutumwa nk’ubu namenya hakurikiraho iki? Mungire inama kuko rwose ndumva maze kurambirwa kuburyo numva natandukana nawe.”

Kureba muri telefone y’uwo mwashakanye ni ikosa rikomeye

Mu kugira inama uyu mugore, twifashishije ibitekerezo by’abantu batandukanye, bahurira kuri groupe za Whatsapp.

Umwe mu bamugiriye inama yagize ati “ Iyo ushaka amahoro mu rugo wirinda gutinda kuri byinshi kuko nta mwiza wabuze inenge. Kujya muri telefone y’undi muzajye mubirekera inzego z’umutekano kuko zibikora zigamije kubaka. Naho kujya muri telefone y’uwo mwashakanye biragusenya bikanagusenyera.”

Undi yagize ati “Jye sinakwibabariza umutima ngo ndasoma ubutumwa bw’umukunzi wanjye pee kuko keretse simcard ye arinjye uyizi gusa.”

Mu bakomeje bagira inama uyu mugore harimo n’uwagize ati “Wa mugore we niba ushaka kubaka reka gusoma ubutumwa bwandikirwa umugabo wawe, kuko biragaragara ko agukunda ndetse akakubwira umubare we w’ibanga. Niba ushaka kubaka reka guhoza umugabo wawe ku nkeke, muhe amahoro ahubwo umuhe umwanya muganire, ibi bizatuma niba hari n’ikindi kibyihishe inyuma atobora akikubwire.”

Kwizerana hagati y’abashakanye ni imwe mu nkingi bashingiraho bubaka urugo ruhamye. Icyizere gike gishobora kubaka urusika hagati y’umugore n’umugabo, ibi bikaba byabaviramo guhorana amakimbirane y’urudaca.

Inama twagira uyu mugore nukwizera umugabo we, akirinda kumuhoza ku nkeke amusaba ibisobanuro by’abamwandikiye.

Niba uyu mugabo afite ingeso zitari nziza, kumugenzura no kumuhoza ku nkeke asabwa ibisobanuro sibyo bizatuma ahinduka ahubwo bishobora gutuma aba mubi kurushaho.

Si byiza gusoma ubutumwa butandukanye bw'uwo mwashakanye kuko bishobora gutuma akwishisha

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244