Hari abagabo batuma abagore babo batagira amavangingo

Yanditswe na Philbert Girinema
Kuya 7 Kanama 2015 saa 03:29
Yasuwe : XX
0

Bamwe mu bagabo bivugwa ko baca inyuma abo bashakanye bitewe n’impamvu zitandukanye zirimo no kuba abo bashakanye batagira amavangingo (Liquide Vaginal) mu gihe cy’imibonano mpuzabitsina.

Inzobere mu miterere n’imibereho ishingiye ku gitsina (Sexologue), ivuga ko aya mavangingo abura cyangwa akaboneka bitewe n’uburyo igikorwa cyo gukora imibonano mpuzabitsina cyagenze hagati y’abashakanye ariko kandi ngo uruhare runini rukaba ari urw’umugabo.

Amavangingo aza igihe umugore ageze ku byishimo bya nyuma mu gikorwa cy’imibonano mpuzabitsina.

Ni kimwe mu bintu bituma bamwe mu bagabo bakunda bakanakundwakaza umugore. Bamwe mu bagabo ariko bajya bivovota bavuga ko abagore babo batagira amazi, ndetse ugasanga rimwe na rimwe barabita amazina nka ba Mukagatare n’ayandi.

Ese abagore bose bagira amavangingo ?

Iki ni ikibazo kibazwa n’abantu batandukanye barimo abagore ndetse n’abagabo. Ariko igisubizo ni ‘Yego’ nk’uko byasobanuwe n’ Inzobere mu miterere n’imibereho ishingiye ku gitsina, Ndayishimiye Beny , mu kiganiro ‘Iwacu mu muryango’ kuri Radio 10.

Yagize ati “Kugira ngo umugore agere ku rwego rwo kuzana amavangingo ni uko umugabo aba yamuteguye kuva igikorwa kigitangira, uko muganira, uko umukoraho [...] aya mazi kugira ngo aze bisaba urugendo rwo kumutegura ni nka film y’uruhererekane.”

Yakomeje agira ati “ Navuga ngo rero abagore bose bafite amavangingo , ariko na none kugira ngo aze biterwa n’uburyo umugabo aba yamuteguye mbere y’igikorwa nyir’izina.”

Ndayishimiye yakomeje avuga ko kugira ngo aya mazi aze bisaba umwanya uhagije wo gutegurana no gukora imibonano mpuzabitsina.

Yakomeje avuga ko kugirango umugore agere ku byishimo cyangwa uburyohe bwa nyuma bitavuga ko agomba kuzana amavangingo ngo kuko hari ushobora kuryoherwa amazi yaje hari n’ushobora kuryoherwa ataje.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza