Ibyashyira agatotsi mu rukundo rw’uwo mwashakanye

Yanditswe na Tombola Felicie
Kuya 12 Gashyantare 2017 saa 11:55
Yasuwe :
0 0

Ni byiza kugenzura no kwirinda buri kintu cyose gishobora gutuma ugirana amakimbirane n’uwo mwashakanye, yaba ku mugabo cyangwa umugore.

Hari ibintu byinshi bagomba kwirinda kuriga ngo umwe muri bo atabihirwa n’umubano wabo mu rugo.

Urubuga elcrema rutangaza inkuru zijyanye n’urukundo ndetse n’imibanire rugaragaza ibintu buri wese aba agomba kwirinda.

1. Kudaha umwanya uhagije uwo mwashakanye

Iyo udaha umwanya uwo mwashakanye ngo muganire kandi mugire ibibahuza byinshi, nawe atangira kwiga uko yabaho atagufite.

Uko waba uhuze kose, akazi waba ukora kose, ku ngengabihe yawe y’umunsi ugomba gushyiraho n’umwanya wo kuganira n’uwo mwashakanye kugira ngo murusheho kuba inshuti.

Icyerekana ko umugabo wawe cyangwa umugore wawe ari uwo agaciro kuri wowe ni uko umubonera umwanya n’iyo byaba bitakoroheye

2. Kunegura buri gikorwa cyose akoze

Iyo unegura cyangwa ukanenga buri gikorwa cy’umugabo wawe cyangwa umugore, uba urimo kumuca intenge kandi uba urimo kumuhindura mubi
Kunenga buri gihe ntugire icyo ushima bimutera ipfunwe urukundo no ku kwishimira bikagabuka.

3. Kuba utakiyitaho

Umugabo ashimishwa no kubona umugore yashatse akiyitaho kandi n’abagore nabo birabashimisha kubona ko umugabo we akiri wa wundi abandi bavuga bati azi kwiyitaho.

Niba utakiyitaho ngo ube umugore cyangwa umugabo ucyeye nka mbere mu kimenyana, urukundo ruzagenda ruyoyoka.

Uba ugomba kugira uburyo buhoraho bwo kuguma uri wowe, udatereye iyo.

4. Ukora ari uko hari icyo ushaka guhabwa

Nubwo urukundo ari ugutanga no kwakira ntabwo uba ugomba buri gihe gukora igikorwa cyiza ngo unarindire ikindi uri bukorerwe.

Gukora kugira ngo nawe uze kwiturwa bigaragaza ukwikunda gukabije kandi ibyo ntabwo aba ari urukundo.

Ugomba kwiga gukorera umugore wawe cyangwa umugabo wawe ibyiza bihoraho udategereje ko nawe hari icyo ari bugukorere ngo kikugarukire.

5. Kuzura akaboze

Iyo uhora ugarura amakosa yarangiye ntabwo uba woroshya ubuzima bw’uwo mwashakanye.

Nta muntu wishimira ko uhora umucyurira ibyahise, ibyo bituma agabanya ku gukunda no gusabana. Kandi bigaragaza ko utamubabariye by’ukuri.

6. Kutubahana

Hagati y’abashakanye haba kanewe ubwubahane, buri wese akubaha mugenzi we. Kubaha ni ikirungo nyamukuru mu mibanire y’abantu bose cyane cyane abashakanye.
Iyo utubaha uwo mwashakanye nawe biramunanira gukunda umuntu utamuha agaciro.

7. Guhora umucyeka ko aguca inyuma

Bitera umujinya kandi birababaza guhora ucyeka uwo mashakanye .Iyo ubana n’umuntu ukabona atakugirira icyizere utangira gucika intege kuko aba agushinja ibintu udakora.

Ni bibi kandi ntibikwiriye gushinja umuntu ibintu adakora, uba ugomba kwitonda ukagenzura neza kuko kugira iyo mico bituma ahinduka niyo yaba yaragukundaga cyane


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244