Ibyatuma udahararukwa uwo mwashakanye mu gutera akabariro

Yanditswe na Philbert Girinema
Kuya 1 Kamena 2016 saa 12:41
Yasuwe : XX
0

Ujya kumva ngo umugore yaciye umugabo inyuma , cyangwa ngo umugabo ajya mu ndaya, wabaza ikibitera bati buriya ntiyarakimushimisha.

Hari n’abavuga ko nta wahorera indyo imwe, nyamara burya ngo byicwa no kutabimenya kuko uramutse uzi icyashimisha uwo mwashakanye wagikora mwese mukaba indahemuka umwe ku wundi.

Urubuga elcrema rwatanze inama abashakanye bagomba kugukurikiza bagakomeza ruryoherwa n’imibobano mpuzabitsina kuko ariwo musingi wo kubaka urugo rugakomera.

1. Menya icyo uwo mwashakanye akunda mu buriri

Kumva no gusobanukirwa icyo uwo ukunda akunda mu buriri ni ibintu by’ingenzi.

Kumenya uko umukoraho, ahamushimisha mutaratangira igikorwa bituma adashobora kubihirwa.

2. Buri wese yayobora igikorwa

Nta muntu utegetswe kuyobora igikorwa cyo gutera akabariro hagati y’abashakanye.

Aha usanga ngo abagore aribo bashinjwa kwiyicarira bakumva ko umugabo ariwe ugomba gutangiza icyo gikorwa buri gihe.

Ntukumve ko umugabo wawe buri gihe ariwe ubikeneye,kuko nahura n’ababimusaba azigendera wowe akureke.

3. Ntugahakanire uwo mwashakanye ko udashaka imibonano ntacyo umufashije

Bibaho ko ushobora kumva udashaka imibonano mpuzabitsina wenda kubera umunaniro ukabije cyangwa ibindi bibazo.

Hari n’igihe wumva nta bushake ufite nyamara nawe utazi impamvu,icyo gihe ntabwo uba ugomba kubwira uwo mwashakanye ngo ‘oya’ nta kindi umufashije.

Ahubwo ibyatuma atagenda ahandi cyangwa ngo akurakarire ni uko wabanza ukamukorakoraho ,ukamuganiriza noneho ukabona kumuhakanira ariko utamubabaje.

4. Jya uhora utangirira ku dukino mbere y’icyo gikorwa

Udukino mbere y’imibonano mpuzabitsina ni ngombwa cyane. Ugomba kuba uzi ibintu bishimisha umugabo wawe cyangwa umugore wawe, ukabimukorera akishima mbere y’imibobano mpuzabitsina.

Iyo mutabanje kwishimana no guseka ntabwo muryoherwa n’igikorwa nyir’izina.

5. Ambara utwenda dukurura uwo mugiye kurarana

Iyo wambaye utwenda dukurura uwo mugiye kurarana nabyo bituma agira ibindi by’iyumviro.

Kwambara mu buryo butuma uwo mwashakanye akubona neza, bituma adashidukira kujya ahandi kuko nawe uba umushimisha.

Ibyo nabyo biri mu bituma mudahararukanwa mu bijyanye n’imibonano mpuzabitsina

6. Shakisha utuntu dushya

Ntugahore mu bintu bimwe, bishobora kubihiriza uwo mwashakanye, nta mategeko ntarengwa yo mu buriri hagati y’abashakanye.

Imibonano mpuzabitsina wayikora mu buryo butandukanye ndetse n’ahantu hatandukanye kuko nibyo bituma uhora wiyumva muwo muyikorana.

7. Jya ucishamo urambure amaso mu gihe cy’imibonano

Abantu benshi barahumiriza mu gihe bakora imibonano mpuzabitsina, iyo ucishamo ukarambura amaso ukareba uwo murimo kuyikorana mukaganira biba ari akarusho.

Murebe n’uburyo arimo yitwara mu byishimo urimo kumusangiza.

8. Kugira igihe kidahindagurika cyo gukora imibonano

Kugira igihe kidahindagurika cyo gukora imibonano mpuzabitsina bifasha uwo mwashakanye kutica gahunda no guhora yishimira icyo gikorwa.

Gukora imibonano mpuzabitsina hagati y’abashakanye ni umurunga ubahuza,igihe rero mwihaye muba mugomba kucyubahiriza mugakomeza uwo mubano.

9. Ujye umusomana igihe cyose ubona ko bikwiriye

Hari abafata gusomana nk’igikorwa gitangira imibonano mpuzabitsina , nyarama uba ugomba gusoma uwo mwashakanye bitanaganisha kuri icyo gikorwa.

Gusomana byongera ubucuti, bituma murushaho kwiyumvanamo, ntihabe hari uwasiga undi.

Ibi ni bimwe mu byatuma udahararukwa uwo mwashakanye mu bijyanye no gutera akabariro,nawe wakora urutonde rwawe kuko buri wese azi ibyo mugenzi we akunda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza