Impamvu 5 zitumye udafite umukunzi uyu munsi

Yanditswe na Shaba
Kuya 25 Ukwakira 2014 saa 11:27
Yasuwe : XX
0

Ese ujya wisanga uri kureba ku mbuga nkoranyambaga, ureba amafoto y’inshuti zawe zishimanye n’abakunzi bazo? Ibi nibyo kuko uhita unibaza uti ese ariko aba bantu bakora ibiki bitandukanye n’ibyo nkora ngo bagire amaraso akundwa gutya.
Ikibazo usanga ahanini atari ibyo bakora ahubwo ari ibyo badakora. Twifashishije urubuga goweloveit reka turebe amwe mu makosa uhuriyeho na benshi atumye uyu munsi uri wenyine (single).
1.Kugira ibintu ugenderaho byinshi cyane
Nibyo buri wese agira ibyo akunda (...)

Ese ujya wisanga uri kureba ku mbuga nkoranyambaga, ureba amafoto y’inshuti zawe zishimanye n’abakunzi bazo? Ibi nibyo kuko uhita unibaza uti ese ariko aba bantu bakora ibiki bitandukanye n’ibyo nkora ngo bagire amaraso akundwa gutya.

Ikibazo usanga ahanini atari ibyo bakora ahubwo ari ibyo badakora. Twifashishije urubuga goweloveit reka turebe amwe mu makosa uhuriyeho na benshi atumye uyu munsi uri wenyine (single).

1.Kugira ibintu ugenderaho byinshi cyane

Nibyo buri wese agira ibyo akunda n’ibyo yanga. Ibi bituma ukora urutonde rw’ibyo utifuza kubona ku muntu mwaba mukundana. Nibyo ko uhitamo imico n’imigirire ku wo wifuza gukundana ariko se ibyo byatuma utera icyizere uwo ari we wese ku mpamvu imwe?

Gabanya gukomeza umutwe wiyoroshye. Shyiraho ibyo ufata nk’ imirongo migari wumva idakuka kandi uyiteho ari nturenze urugero. Itonde mu gukora urwo rutonde ariko umenye niba ari ibintu bifatika kandi bishobotse bitabaye ibyo wakomeza kubaho wenyine kuko ntawe muhuza. Gukomeza ibyo ugenderaho mu rukundo bituma utigera umenya abantu beza.

2.Kwita ku muntu utari we

Ese ujya uhura n’ikibazo cyo kubona buri gihe, umukobwa cyangwa umuhungu ntaho aba atandukaniye n’uwo wabonye mbere? Ikibazo ni uko uhitamo nabi buri gihe bigatuma utabona ukubereye.

Icya mbere ugomba kwitaho ni aho uhurira n’abo bantu. Niba wirirwa ushakira umuntu mu kabari, uzabona ujyanye n’aho nyine; gukomeza gushakira ahadakwiriye, ntuzatangazwe no kutabona umuntu uhuza n’ibyo byifuzo byawe. Niba wifuza umuntu ufite umubiri wubatse neza, inama nziza ni ukwerekeza ahakorerwa siporo cyangwa ukajya ahabera amarushanwa yo kwiruka.

Ikindi kibazo ushobora kugira ni ukutimenya. Niba utajya ukurikira umupira ntuzategereze ko ushobora kumenya imyitwarire y’umukinnyi ndetse ngo ube wamutwara umutima agukunde. N’iyo byabaho mugakunda, ntibimara kabiri kuko hari byinshi muba mudahuje. Ibyiza rero ni ukuba uwo uriwe aho kwiyambika urundi ruhu.

3.Kutigaragaza wowe ubwawe

Itangiriro ryo kubona umukunzi ni ukugaragara mu bandi, abakobwa n’abahungu b’urungano rwawe. Ibi ariko ntibivuze kujya gukora ibitangaza. Ntabwo ucyeneye kwigira nk’umuhigi ku muhigo ushakisha umukunzi, ariko ukeneye kugirana umubano n’abandi, mugasohokana n’abandi aho ushobora no kubona neza uwo muhuje. Garagara, usohokane n’abandi, mwishimire ubuzima unashaka amahirwe yo kuba wabona uwawe.

4. Kutita ku buryo ugaragara mu maso y’abantu

Reka buri wese afate akanya avugishe ukuri kuzima. Uko umuntu agaragara mu maso y’abandi bigira uruhare runini mu guhura kw’abantu bwa mbere. Uguhura kw’abantu bwa mbere ahanini ntiwahita uvuga ko ari urukundo ahubwo ni ukwishimirana. Hagomba kubaho uburyo buboneye abantu bakubonamo igihe bagukubise amaso bwa mbere.

Niba rero uko ugaragara biri mu ntangiriro zo kwishimirwa, jya uhora iteka ucyeye kuko utazi igihe amahirwe azazira. Jya wita ku musatsi wawe ureke kuba nk’uw’amabandi, jya ufata umwanya usokoze ingohe n’ibitsike byawe, utere ipasi imyenda yawe. Ibi ntibizatuma wumva wifitiye icyizere gusa ahubwo n’abandi bajya bakureba bakwiteho kuko ugira gahunda.

5.Imyitwarire idahwitse

Ntacyo byaba bimaze gushyira imbaraga nyinshi mu gushaka umukunzi mu gihe imyitwarire yawe idahwitse, uri bene wa muntu udashobotse. Abantu baba bakeneye umuntu ubazanira ibyishimo mu buzima bwabo aho kubatera umutwe udakira. Kugira ibitekerezo bibi no gutanga amabwiriza akaze buri gihe bituma ntawe mumarana kabiri.

Niba rero wifuza gushyira inyuma iminsi yo kubaho wenyine, hindura uburyo washakagamo umukunzi, va muri ayo mananiza ushyiraho, ugerageze gukora amakosa make cyane, bizagufasha kubona umukunzi ureke kubaho wenyine.

Ese urabona hari indi nama wagira abantu nawe? Tubwira icyo usanze ari ikosa wajyaga ukora.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza