Impamvu abagore bagira amarangamutima cyane kurusha abagabo

Yanditswe na Umutoni Rosine
Kuya 31 Mutarama 2017 saa 09:41
Yasuwe :
0 0

Abahanga mu bya Siyansi, bemeza ko abagabo ari bo bagira amarangamutima cyane kurusha abagore, gusa bakabarusha kuyahisha ku buryo ntawapfa kubimenya.

Urubuga elcrema rugaragaza impamvu abagore bo batabasha guhisha amarangamutima yabo nkuko bikorwa n’abagabo.

1. Sosiyete

Abahanga muri ibi bavuga ko biterwa na sosiyete umuntu abamo, ihora ishyira umugore hasi nk’umuntu woroheje. Ibyo bituma abagabo nabo bumva ko barenze ku bagore babo maze bikaba ngombwa ko bahisha amarangamutima yabo banga gusuzugurwa.

Igitandukanye n’ibyo ku bagore ni uko bo bumva ko ibyo kugaragaza amarangamutima ntacyo bibatwaye maze bagahitamo kuyerekana aho baba bari hose nta cyo bikanga.

2. Impuhwe za kibyeyi

Abagore benshi bagira impuhwe nyinshi. Abahanga bagaragaza ko impuhwe n’ibindi bikorwa byose bigamije kwita ku muntu biba ari amarangamutima udashobora guhisha, bityo bikaba ari yo mpamvu amarangamutima y’abagore ahora yigaragaza, bitewe n’urukundo n’impuhwe za kibyeyi bahorana.

3. Inshingano bahabwa

Imico y’ibihugu byinshi ndetse na za sosiyete usanga zifata umugore nk’umuntu woroheje ndetse n’inshingano ahabwa zikaba zoroheje, bitandukanye n’iziba zitegereje umugabo. Ibyo bituma rero abagore bahinduka ba bantu batagira icyo bahisha kandi bafungutse mu kuvuga kurenza abagabo baruca bakarumira.

4. Imisemburo

Abagore bagira imisemburo (hormones) myinshi kandi ihindagurika bitewe n’igihe ubuzima bwabo burimo cyane igihe batwite cyangwa bari mu mihango. Amarangamutima rero aturuka kuri iyo mihindagurikire y’igihe barimo cyane ko umusemburo wa Oestrogène bihariye ugira uruhare muri ibyo.

5. Indangagaciro z’umuryango

Mu muryango, umugabo ahora ariwe nkingi ya mwamba y’urugo. Bivuze ko ariwe ureberera urugo kandi akarukemurira ibibazo, mu gihe umugore we afatwa nkaho ari umuntu wo kumwunganira gusa. Ibyo bituma abagore baba bashaka gukundwa, kwitabwaho no guhora bateteshwa bituma bahorana amarangamutima hafi mu gihe abagabo babo bahora bihagazeho.

Kutabasha guhisha amarangamutima nibyo bituma bemeza ko abagore bayarusha abagabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza