Impamvu tariki ya 2 Mutarama saa 22:36 aribwo abagore batwara inda cyane

Yanditswe na Mukaneza M.Ange
Kuya 3 Mutarama 2017 saa 10:43
Yasuwe :
0 0

Intangiriro z’umwaka by’umwihariko itariki ya 2 Mutarama, ni umunsi byagaragaye ko ariwo benshi mu bagore mu Bwongereza batwara inda, ahanini bishingiye ku kuba muri Nzeri aribwo havuka umubare munini w’abana.

Iyi ni nayo mpamvu yatumye uyu munsi wa kabiri w’umwaka abahanga mu bijyanye n’uburumbuke bawita ‘Umunsi w’abifuza gusama’.

Ubushakashatsi bwakoze n’urubuga Channel Mum rwo mu Bwongereza, bwerekanye ko mu bakundana 2139; 71% bagaragaje ko kuri uyu munsi, ahagana saa 10:30 z’ijoro aribwo batera akabariro.

Basobanuye ko impamvu ari uko ikiruhuko cy’iminsi mikuru kiba kiri kurangira, bityo bagafata umwanya wihariye nk’abakundana mbere y’uko bongera gusubira mu kazi.

Ubu bushakashatsi kandi bwagaragaje ko 70% bakora imibonano mpuzabitsina mu ijoro risoza umwaka, mu rwego rwo kwishimisha bishimira ko bawusoje neza.

Ni mu gihe abandi bagaragaje ko kuri Noheli nabwo ari umunsi mwiza wo gutera akabariro bitewe n’uko aba ari umunsi w’ikiruhuko kandi w’ibyishimo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza