Irushanwa ku nkuru z’urukundo: Izihiga izindi zamenyekanye

Yanditswe na M. M.
Kuya 14 Gashyantare 2015 saa 06:52
Yasuwe : XX
91 55

Inkuru z’urukundo eshatu zahize izindi mu irushanwa ryateguwe na IGIHE Ltd zamenyekanye nyuma y’amajonjora yakozwe mu nkuru zirenga 40 zoherejwe n’abitabiriye irushanwa.

Hari hashize icyumweru kirengaho iminsi micye iri rushanwa ngarukamwaka ritangijwe, ndetse muri uyu mwaka bigaragara ko ryitabiriwe cyane kurusha inshuro ebyiri zabanje.

Mu nkuru zirenga 40 zoherejwe, 34 ni zo zari zujuje ibisabwa, akaba ari zo zasangijwe abasomyi (kanda hano uzisome).

Kugira ngo inkuru yemerwe bimwe mu byasabwaga harimo kuba yaragombaga kuba ari inkuru mpamo y’urukundo rw’uwayanditse; yoherejwe muri “format” ya “word” ndetse itarengeje amagambo 1000.

Inkuru yaje ku mwanya wa mbere ifite umutwe ugira uti “Nugururiwe n’inyange”, ni inkuru yanditse neza cyane, ibitekerezo biyigize bitondetse neza ndetse umwanditsi w’inkuru yarayiryoheje ku buryo ubasha kumva ibyanditse ndetse ugasa n’ubibona.

Ibihembo byagenewe inkuru ya mbere birimo ifunguro rya nimugoroba ndetse n’ijoro rimwe muri kimwe mu byumba bya Galaxy Hotel; “tableau” na “vase” bazihitiramo mu iduka rya La Cérémoniale; tickets ebyiri zo kujya muri concert ya Christopher yise “Agatima” izaba ku munsi w’abakundanye; ibikoresho birimo amavuta, deodorants, body sprays, make up n’ibindi by’isuku byatanzwe na Monaco Cosmetics ndetse n’itike ifite agaciro k’ibihumbi cumi na bibiri by’amafaranga y’u Rwanda (12.000 Rwf) yo gutumiza amafunguro yo muri restaurant zitandukanye zo mu mujyi wa Kigali hifashishijwe “Hello Food”.

Inkuru iza ku mwanya wa kabiri ifite umutwe ugira uti "Burya nawe yarankundaga". Kugira neza utiteze igihembo na kimwe; kwihangana no kwizerana nibyo byaranze amateka y’urukundo rwa Rwema na Ange. Umwanditsi w’iyi nkuru naw yakurikiranyije ibitekerezo neza ntacyo asimbutse cyangwa ngo avange, inanditse neza ku buryo utarambirwa uri kuyisoma.

Ibihembo nyir’inkuru n’umukunzi we bagenewe birimo Ifunguro rya nimugoroba ndetse n’ijoro rimwe muri kimwe mu byumba bya Hotel Villa Porto Fino iherereye i Nyarutarama; igishushanyo (portrait) cy’ ifoto abakundana bazaba bihitiyemo izakorwa na Inkstain; tickets 2 zo kujya muri concert ya Christopher yise “Agatima” izaba ku munsi w’abakundanye; ibikoresho birimo amavuta, deodorants, body sprays, make up n’ibindi by’isuku byatanzwe na Monaco Cosmetics ndetse n’itike ifite agaciro k’ibihumbi birindwi na magana atanu(7500Rwf) yo gutumiza amafunguro yo muri restaurant zitandukanye zo muri Kigali hifashishijwe “Hello Food”

Inkuru iza ku mwanya wa gatatu ifite umutwe ugira uti "Urukundo Rwashinze imizi nirwogere". Iyi nkuru nayo yanditse neza ndetse ikaba ari urugero rwiza rw’urukundo ruzira agatotsi.

Ibihembo bigenewe uwanditse iy inkuru ndetse n’umukunzi we birimo ifunguro rya saa sita cyangwa nijoro ryo muri restaurant L’Epicurien iherereye ku Kimihurura; ijoro rimwe muri The Manor Hotel; ifatabuguzi( abonnement) ry’ukwezi muri “gym” na “piscine” bya The Manor Hotel; tickets 2 zo kujya muri concert ya Christopher yise “Agatima” izaba ku munsi w’abakundanye; ibikoresho birimo amavuta, deodorants, body sprays, make up n’ibindi by’isuku byatanzwe na Monaco Cosmetics ndetse n’itike ifite agaciro k’ibihumbi bitanu magana atanu (5500Rwf) yo gutumiza ibiryo byo muri restaurant wihitiyemo ukoresheje
“Hello Food”.

N’ubwo twagiye dutangaza ko hazahembwa inkuru eshatu gusa, hari umwihariko kuri iyi nshuro kuko hari izindi nkuru IGIHE Ltd yifuje kugenera ibihembo bitewe n’uburyo zanditsemo cyangwa se n’amasomo azikubiyemo.

Izo nkuru zirimo ifite umutwe ugira uti "Umugoroba wuje umunezero" ndetse n’indi ifite umutwe ugira uti "Amahwa ntazahwanya urukundo rwacu".

Izi nkuru zombi ni nziza gusa hari bimwe byagiye biburamo ngo zibe zaza muri eshatu za mbere.

Hari kandi indi nkuru yanditse neza ndetse yari ifite amahirwe yo kuba iya mbere ariko ubwo twavuganaga n’uwayanditse, yaje kutubwirira ko inkuru atari iye bwite, bikaba byaratumye ikurwa mu irushanwa, ni ifite umutwe ugira uti "Nyuma y’inzitane z’ibibazo n’ibigeragezo bitandukanye twanyuzemo....."

Dushimiye abitabiriye irushanwa bose kandi tubifuriza gukomeza gukundana urudashira, turashimira n’abaterankunga bashyigikiye iki gikorwa.

Umunsi mwiza wa St Valentin kuri mwese.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE