Kayonza: Umukobwa w’imyaka 60 agiye kurushingana n’umusore w’imyaka 23

Yanditswe na Mathias Hitimana
Kuya 8 Nzeri 2014 saa 03:18
Yasuwe :
0 0

Kamagaju Jeanette w’imyaka 60 y’amavuko na Habimana Mohamed w’imyaka 23 bazashyingiranwa kuwa 13 Nzeri 2014 mu karere ka Kayonza.
Nk’uko urwandiko rw’ubutumire rubigaragaza, gusaba no gukwa bizaba saa tatu i Kayonza-Rukara-Kinunga, gusezerana imbere y’Imana byo bizabera mu rusengero rwa EAR Paruwasi ya Rukara saa munani z’amanywa.
Ku murongo wa telefone, Kamagaju witegura kurushinga na Habimana yatunguwe no kumva ubukwe bwe bwamamaye, abwira IGIHE ati “Mwamenye mute ko mfite ubukwe, inkuru (...)

Kamagaju Jeanette w’imyaka 60 y’amavuko na Habimana Mohamed w’imyaka 23 bazashyingiranwa kuwa 13 Nzeri 2014 mu karere ka Kayonza.

Nk’uko urwandiko rw’ubutumire rubigaragaza, gusaba no gukwa bizaba saa tatu i Kayonza-Rukara-Kinunga, gusezerana imbere y’Imana byo bizabera mu rusengero rwa EAR Paruwasi ya Rukara saa munani z’amanywa.

Ku murongo wa telefone, Kamagaju witegura kurushinga na Habimana yatunguwe no kumva ubukwe bwe bwamamaye, abwira IGIHE ati “Mwamenye mute ko mfite ubukwe, inkuru ziragenda pe...Ariko niba mushaka kutwifuriza ubukwe bwiza ni byiza cyane.”

Kamagajuru urusha imyaka 37 umukunzi we ntabwo yigeze ashaka, nibwo azaba agiye kurongorwa bwa mbere.

Nubwo bitamenyerewe mu Rwanda ko umugabo ashaka umugore umuruta mu myaka by’aka kageni, Habimana yabwiye IGIHE ko ikibanze ari urukundo; Ariko barikurwana intambara y’amagambo y’abashaka kubaca intege.

Yagize ati “Maze imyaka itari mike nkunda Jeanette, kugeza ubwo twemeranyije kubana nk’umugore n’umugabo. Abavuga amagambo yo kudaca intege bararushywa n’ubusa kuko twe turakundana cyane.”

Yakomeje agira ati “Kuba andusha imyaka ndumva ntacyo bivuze nta n’ukwiye kubitindaho, kuko urukundo nirwo rwa mbere, kandi nzi neza ko Imana iri mu ruhande rwacu. Kuba twatinda kubyara cyangwa ntitubyare ibyo byose bizwi n’Imana kuko niyo yaduhuje, Aburahamu na Sara babyaye ryari? Sara nubwo yari umukecuru igihe cyarageze arabyara kuko bari bafite isezerano.”

Kamagaju ni Umuganga ku bitaro bya Gahini naho Habimana akora akazi k’ubumotari.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza