St Valentin: Dore bimwe mu bihembo bigenewe abazahiga abandi mu kwandika inkuru(Amafoto)

Yanditswe na Larissa Kanamugire
Kuya 11 Gashyantare 2015 saa 02:18
Yasuwe : XX
0

Mu gihe habura iminsi micye ngo hizihizwe umunsi mukuru w’abakundanye, IGIHE Ltd yateguye irushanwa rigenera umwanya ababyifuza wo gusangiza abasomyi ba IGIHE inkuru mpamo z’urukundo rwabo, hagatoranywa eshatu zahize izindi, zikagenerwa ibihembo byinshi bitandukanye.
Iri rushanwa ribaye ku nshuro ya gatatu, ryagizwemo uruhare n’abafatanyabikorwa batandukanye bageneye ibihembo batatu bazabasha gutsinda. Aha rero twifuje kubasangiza bimwe muri ibyo bihembo mu mafoto, mwihere ijisho mutekereza (...)

Mu gihe habura iminsi micye ngo hizihizwe umunsi mukuru w’abakundanye, IGIHE Ltd yateguye irushanwa rigenera umwanya ababyifuza wo gusangiza abasomyi ba IGIHE inkuru mpamo z’urukundo rwabo, hagatoranywa eshatu zahize izindi, zikagenerwa ibihembo byinshi bitandukanye.

Iri rushanwa ribaye ku nshuro ya gatatu, ryagizwemo uruhare n’abafatanyabikorwa batandukanye bageneye ibihembo batatu bazabasha gutsinda. Aha rero twifuje kubasangiza bimwe muri ibyo bihembo mu mafoto, mwihere ijisho mutekereza ku bihe byiza abazatsinda bazagira.

Muri byo harimo gusangira n’abakunzi babo muri restaurants nziza ndetse no kumarana ijoro ryose muri zimwe muri hoteli zikomeye mu Mujyi wa Kigali ndetse n’ibindi byinshi mwasanga mu nkuru y’ubushize

Zimwe muri hoteli na restaurants zageneye ibihembo abazahiga abandi mu irushanwa:

The Manor Hotel

Iyi Hoteli iherereye I Nyarutarama, ikaba yaratanze ifunguro rya nimugoroba n’ijoro rimwe muri kimwe mu byumba byayo byiza cyane; abonnement y’ukwezi muri “gym yabo ndetse na piscine”

Uburanga bwa The Manor Hotel mu kagoroba bugaragarira yaba uri kuhafatira amafunguro cyangwa uhanyuze yihitira
Iyo uri muri restaurant ya The Manor Hotel, mu kayaga keza kaba kagusanga aho wicaye ubasha kubona ubwiza bw’umujyi wa Kigali
Mu rumuri rugereranyije rurangwa mu byumba bya The Manor Hotel ndetse n’umutuzo utavangiye, imitima yonyine iba ishobora kuganira ibyayo

Galaxy Hotel

Iyi Hoteli iherereye mu Kiyovu, ikaba yaratanze amafunguro ya nimugoroba ndetse n’ijoro rimwe muri kimwe mu byumba byiza byaho.

Iyo urebeye hanze Galaxy Hotel, usibye ikibazo cy’amikoro make nta kindi cyakubuza kwinjira ngo ugire icyo ufatira ahantu hasa hatya
Galaxy Hotel ifite umwihariko wo kugira imitako nyafurika ugenda ubona aho uciye hose, restaurant yaho ni ngari kandi irisanzuye
Ubwisanzure burangwa mu byumba bya Galaxy Hotel, uko urukundo rwanyu rubayoboye, n’aho gukinira ntimwahabura

Hotel Villa Porto Fino

Iyi Hoteli iherereye I Nyarutarama nayo, yatanze ifunguro rya nimugoroba ndetse n’ijoro rimwe muri kimwe mu byumba byiza byaho.

Ifoto yerekana bike, iyo ugeze kuri Hotel Villa Porto Fino, ubwiza n’amafu uhasanga bituma wifuza kuhatura iteka
Mwenyine, mwicaye mufata ifunguro rya mu gitondo…Nta handi mwakwifuza kuba mwicaye usibye kuri “balcon” ya Hotel Villa Porto Fino
Bamwe mu bazatsinda iri rushanwa bazagira amahirwe yo kumara ijoro ryabo ry’urukundo muri iki cyumba kigari cya Hotel Villa Porto Fino, aho bazashobora gutumiza amafunguro ya nimugoroba akahabasanga birebera film y’urukundo

Restaurant L’Epicurien

Iyi resitora iherereye ku Kimihurura, yatanze amafunguro ya saa sita cyangwa nijoro bitewe n’icyo abatsinze bazaba bihitiyemo.

Kuri Restaurant L’Epicurien, wowe n’umukunzi wawe mushobora kujya ahitaruye, mugafata amafunguro yanyu muganira iby’ahazaza hanyu nta nkomyi.
Mu kayaga keza, utunyoni turirimba, mwifatira amafunguro aryoshye ya Restaurant L’Epicurien…Uburyohe bw’urukundo nyarwo
Kuri Restaurant L’Epicurien, hejuru y’amafunguro aryoshye bidasanzwe, n’inyota ntishobora kubica

Usibye ibi bihembo kandi, hari n’impano nziza za bimwe mu bicuruzwa bya
La ceremoniale harimo “tableau” na “vase” byiza cyane abatsinze bazihitiramo; igishushanyo(portrait) cy’ ifoto y’abakundana bazaba bihitiyemo kizakorwa na Inkstain; impano za bimwe mu bicuruzwa bya Monaco Cosmetics birimo ibya Bruno Vassari, za deodorants, body sprays, make up n’ibindi byinshi…

Kwakira inkuru z’abifuza kwitabira iri rushanwa bizasozwa kuri uyu wa Kane tariki 12 Gashyantare i saa sita z’ijoro.

Urifuza kwitabira iri rushanwa wohereza inkuru y’urukundo rwanyu, wowe n’umukunzi wawe? Biroroshye, kanda hano umenye ibisabwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza