IGIHE.com > Abantu > Kubaho
Yatewe inda n’umugabo wa mukuru we

Yatewe inda n’umugabo wa mukuru we


Yanditswe kuya 25-05-2012 - Saa 08:43'

Yagiye kuba kwa mukuru we, kubera impamvu zo kwiga, muramu we abonye umugore we adahari ngo amukoresha imibonano mpuzabitsina ku ngufu amutera inda.

Umwana w’umukobwa utarashatse ko dutangaza amazina ye ariko muri iyi nkuru tukamwita Gatesi, avuka mu Karere ka Kamonyi, yagiye kuba kwa mukuru we utuye mu Karere ka Gasabo, Umurenge wa Jabana kubera impamvu zo kwiga, ngo mukuru we yamukuye iwabo amubwira ko agiye kumurihira akiga kudoda, kandi yarabikoze ngo yaramaze no kubimenya.

Gatesi yatangarije IGIHE ko akigera kwa mukuru we Muramu we yatangiye kujya amwereka ko amwitayeho, ariko we akagirango ni ibisazwe. Igihe ngo cyaje kugera mukuru we ajya gusenga ari burare yo, bigeze nijoro yumva umugabo aje gukomanga ku cyumba cya Gatesi, amubwira ngo nabyuke amubwire.

Yabyutse vuba vuba ngo agirango wenda ni ikintu ashaka kumutuma kuko nta mukozi bari bafite, kandi ngo hari hakiri kare. Akimara gukingura undi yahise amubwira ngo nage ku musasira.

Akigera mu cyumba yahise aza amukurikiye, amubwira ngo aramushaka ngo kandi ntamuhakanire. Gatesi yadutangarije ko yabuze uko abigenza, abura nuwo atakira kuko bari mu nzu bonyine.

Gatesi yakomoje avuga ko ikimubabaje ari ukuntu azabwira mukuru we ngo yatewe inda na muramu we bikamuyobera.

Mukuru wa Gatesi ngo amaranye imyaka ibiri n’umugabo batarabyarana.

Aragisha inama abakunzi ba IGIHE.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO