Amafoto atangaje ya Obama na Michelle bari hafi kuva muri White House

Yanditswe na Uwishyaka Jean Louis
Kuya 7 Ugushyingo 2016 saa 09:11
Yasuwe :
0 0

Barack Obama uri mu minsi ya nyuma yo kuyobora Leta Zunze Ubumwe za Amerika nyuma y’imyaka umunani ayibereye ku ruhembe, yagiye arangwa n’ibikorwa bitandukanye birimo n’ibyagiye bisetsa ababirebaga cyane mu mafoto.

Perezida Obama yagiye akora ibintu bitangaje utakekera umunyacyubahiro nkawe, aho rimwe na rimwe yabaga ari kumwe n’umufasha we Michelle Obama.

Muri Mata 2015, Barack Obama na madamu bakoze imyitozo ngororangingo mu gikorwa cyiswe 'Gimme Five' cyakanguriraga abantu kugaragaza ibintu bitanu byafasha umuntu kugira ubuzima bwiza
Aha Barack Obama n'umufasha we bakubitiraga agatwenge muri kimwe mu byumba biherereye mu nyubako ibanza (ground floor) y'inzu batuyemo, mu Ugushyingo 2014
Muri Gashyantare 2016, bakiriye muri White House Virginia McLaurin,umukecuru w'imyaka 106 maze bacinyana akadiho
Mu 2009 ubwo barebaga umukino wa nyuma wa 'Football Americain' bifashishije amadarubindi adasanzwe, mu cyumba basanzwe bareberamo sinema
Barack Obama na Michelle basekera cyane mu modoka bagenderamo ubwo yatangiraga manda ya kabiri muri Mutarama 2013
Aha hari muri Kanama 2010, i Texas ubwo Obama yagaragaraga akandagiye ku munzani mu gihe Marvin Nicholson, ushinzwe iby'ingendo ze yapimwaga ibiro
Obama (iburyo) na Visi Perezida we Joe Biden, muri Gashyantare 2014 bagaragaye bakora imyitozo ngororangingo muri gahunda ya 'Let's Move' yari yateguwe na Michelle Obama igamije kurwanya umubyibuho ukabije
Muri Nyakanga 2012, Obama yafotowe ari kwiruka mu biro bye n'agakobwa kitwa Sarah k'inshuti ye bya hafi
Mu Ukuboza 2009, Perezida Obama yongeye kugaragara asuhuzanya n'umukozi ushinzwe isuku nta kwishishanya
Aha hari muri 2013 ubwo we na Minisitiri w'Intebe Denis McDonough bakinaga umupira muri White House
Obama na madamu bifotoreza mu ruganiriro rwo mu nzu yabo, hari muri Werurwe 2015

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza