Kwamamaza

Amafoto y’Umunsi

Yanditswe kuya 24-10-2016 saa 07:54' na IGIHE


Umwami Mohammed VI wa Maroc, yaraye asoje uruzinduko yagiriraga mu Rwanda kuva ku wa kabiri w’icyumweru gishize.

Umwami Mohammed VI yageze mu Rwanda ku wa 18 Ukwakira, aje mu ruzinduko rw’iminsi itatu, ariko yamaze mu gihugu iminsi itandatu.

Umwami Mohammed VI yageze mu Rwanda mu ijoro ryo ku wa kabiri w'icyumweru gishize
Akigera i Kigali yakiriwe na Perezida wa Repubulika Paul Kagame

Kuri iki cyumweru tariki 23 Ukwakira 2016, Umwami Mohammed VI nibwo yavuye mu Rwanda, aho yaherekejwe na Perezida Kagame n’abandi bayobozi bari biganjemo abo mu ngabo na Polisi by’u Rwanda.

Muri iki gihe cyose amaze mu Rwanda, Umwami Mohammed VI n’intumwa yari ayoboye, basinyanye amasezerano y’ubufatanye hagati y’ibihugu byombi mu nzego zitandukanye, zirimo ubucuruzi, ubuvuzi, ubuhinzi, ibikorwaremezo n’ibindi.

Yanasuye urwibutso rwa Jenoside rwa Kigali, aho yashyize indabo ku mva ndetse anunamira inzirakarengane zihashyinguye ndetse atambagizwa mu bice bitandukanye by’urwibutso, asobanurirwa amateka yaranze Jenoside yakorewe Abatutsi mu 1994.

Nyuma yo kuva mu Rwanda, Umwami Mohammed VI yakomereje uruzinduko rwe mu bihugu bya Tanzania na Ethiopia.

Perezida Kagame niwe waherekeje Umwami Mohammed VI ubwo yari avuye mu gihugu
Umwami Mohammed VI asezera Perezida Kagame ubwo yari asoje uruzinduko rwe mu Rwanda

Kwamamaza

Kwamamaza
IZINDI NKURU WASOMA
Amafoto y’umunsi
2016-11-29 10:54:45
Amafoto y’umunsi
2016-11-22 10:32:12
Amafoto y’Umunsi
2016-11-17 09:14:35
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved