Perezida Kagame yahagaze iminota 15 mu Mujyi wa Nyamata asuhuza abaturage

Yanditswe na IGIHE
Kuya 27 Gicurasi 2019 saa 07:55
Yasuwe :
0 0

Saa saba n’iminota 15, Perezida Kagame waturukaga mu cyerekezo cya Bugesera yerekeza i Kigali, yahagaze iminota 15 mu Mujyi wa Nyamata, asuhuza abaturage benshi bari bahari.

Inshuro nyinshi Umukuru w’Igihugu akunze gutungurana agahagarara ku muhanda nta muntu wari ubyiteze, akaramutsa abo ahasanze.

Nko mu minsi ishize ubwo yari mu ngendo mu Ntara y’Amajyaruguru n’Uburengerazuba, yahagaze mu Mujyi wa Musanze asuhuza abaturage bari hafi aho, basigara basazwe n’ibyishimo.

Biba ari ibihe bidasanzwe ku baturage babasha kwibonera Perezida Kagame amaso ku yandi, bamwe bakagira n’amahirwe yo kumukora mu ntoki, akenshi bamushimira ibyiza amaze kugeza ku Rwanda.

Ibi bikorwa by’Umukuru w’Igihugu bikunze kubaho mu buryo butunguranye ku buryo amara iminota mike ariko uyu munsi bwo yamaranye n’abaturage iminota igera kuri 15 asuhuza benshi bari mu Mujyi wa Nyamata.

Saa saba n’iminota 15, nibwo Umukuru w’Igihugu wari witwaye mu modoka yerekezaga i Kigali, yageze i Nyamata arahagarara asuhuza abaturage ahava saa saba n’igice.

Akanyamuneza kari kose ku baturage babashije gukora mu ntoki z’Umukuru w’Igihugu, bigaragazwa n’uburyo bari buzuye umuhanda, bose bazamuye ibiganza bashaka kumusuhuza.

Perezida Kagame yahagaze mu Mujyi wa Nyamata asuhuza abaturage
Ibyishimo byari byose ku baturage bari babonye Perezida Kagame

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza