> IGIHE.com
kwamamaza
Dusange no kuri
        
Uyu munsi mu Mateka

Tariki 09 Ukuboza ni umunsi wa 343 mu minsi igize umwaka, hasigaye iminsi 22 uyu mwaka ukagera ku musozo.

Bimwe mu byaranze uyu munsi mu mateka

1872: P.B.S. Pinchback yabaye umwirabura w’Umunyamerika wa mbere wabaye guverineri, yayoboraga Leta ya Louisiana.

Pinckney Benton Stewart Pinchback

1905: Mu Bufaransa hatowe itegeko ritandukanya imikorere ya Leta n’iya Kiliziya.

1922: Uwitwa Gabriel Narutowicz yabaye Perezida wa mbere wa Poland.

1941: Mu Ntambara ya Kabiri y’Isi yose, u Bushinwa, Cuba, Guatemala, Repubulika ya Koreya n’igihugu cya Philippines batangaje ko bagiye kugaba ibitero ku gihugu cy’u Budage n’u Buyapani.

1956: Indege yitwa Flight 810 yo mu gihugu cya Canada yakoreye impanuka hafi y’ahitwa Hope muri British Columbia, ihitana abantu bagera kuri 62.

1958: Muri Leta Zunze Ubumwe z’Amerika no mu gihugu cy’u Bwongereza hashinzwe sosiyete John Birch Society.

1961: Icyahoze ari igihugu cya Tanganyika cyigobotoye ubukoloni bw’Abongereza, gitangira kwigenga.

1962: Muri Arizona hafunguwe pariki y’ishyamba yitwa Petrified Forest National Park.

1966: Igihugu cya Barbados cyinjijwe mu Muryango w’Abibumbye.

1968: Ku nshuro ya mbere, hamuritswe uburyo bukoreshwa mu ikoranabuhanga rya NLS bukoreshwa mu cyo bita hypertext na computer mouse i San Franscisco muri Leta Zunze Ubumwe z’Amerika.

1971: Ibihugu Byunze Ubumwe by’Abarabu (United Arab Emirates) byinjiye mu Muryango w’Abibumbye.

1988: Mu gihugu cya Ireland ahitwa Sligo, hafungwe ku mugaragaro ikiraro cyitwa Michael Hughes Bridge.

2008: Uwahoze ari Guverineri wa Leta ya Illinois witwa Rod Blagojevich yatawe muri yombi n’inzego z’ubuyobozi akurukiranweho ibyaha bitandukanye birimo gushaka kugurisha umwanya wa Barack Obama muri sena, icyo gihe wari utaraba Perezida.

Bamwe mu bavutse uyu munsi

1987: Kostas Giannoulis, umukinnyi w’umupira w’amaguru ukomoka mu Bugereki.

1991: Igikomangoma Joachim w’igihugu cy’u Bubiligi.

Bamwe mu batabarutse uyu munsi

2007: Gordon Zahn, Umunyamerika waharaniraga amahoro.

2010: Dov Shilansky, umunyapolitiki ukomoka muri Israel.