Kwamamaza

U Bubiligi: Diyama ya miliyoni 50 z’amadolari yibwe mu minota itageze kuri itanu

Yanditswe kuya 20-02-2013 saa 09:12' na Emma-Marie Umurerwa
     


Abajura umunani bitwaje imbunda binjiye ku ngufu mu ruzitiro rw’ikibuga mpuzamahanga cy’indege cya Buruseli mu Bubiligi, biba amabuye ya diyama afite agaciro karenga miliyoni mirongo itanu z’amadolari ya Amerika yari ari mu bipfunyika 120.
Ibi byose byakozwe mu kanya gato cyane, ikinyamakuru lematin kikaba kivuga ko ahagana mu saa mbiri z’ijoro ku wa mbere tariki ya 18 Gashyantare ari bwo abo bajura baje mu mavatiri abiri y’umukara afite ibirahuri byijimye bakanyura mu ruzitiro rw’ikibuga (...)

Abajura umunani bitwaje imbunda binjiye ku ngufu mu ruzitiro rw’ikibuga mpuzamahanga cy’indege cya Buruseli mu Bubiligi, biba amabuye ya diyama afite agaciro karenga miliyoni mirongo itanu z’amadolari ya Amerika yari ari mu bipfunyika 120.

Uru ni rwo ruzitiro abajura binjiriyemo

Ibi byose byakozwe mu kanya gato cyane, ikinyamakuru lematin kikaba kivuga ko ahagana mu saa mbiri z’ijoro ku wa mbere tariki ya 18 Gashyantare ari bwo abo bajura baje mu mavatiri abiri y’umukara afite ibirahuri byijimye bakanyura mu ruzitiro rw’ikibuga cy’indege. Ngo bahise bagana aho indege ya Helvetic Airways yari iparitse iri gupakirwamo ayo mabuye.

Leta y’u Bubiligi ivuga ko abo bagabo bari bitwaje imbunda bipfutse ibitambaro mu maso, bibye ayo mabuye mu minota mike cyane mu gihe yari arimo yurizwa indege.

Indege yari iri gupakirwamo diyama

Polisi ivuga ko yabonye imodoka yatwitswe hafi y’ikibuga cy’indege, ikaba itekereza ko ari imwe mu zakoreshejwe n’aba bajura.

Ine Van Wymeersch, umushinjacyaha mu Bubiligi, avuga ko ubu bujura bwamaze iminota itarenze itanu kandi ko nta masasu yigeze araswa ubwo kwiba byakorwaga.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved