Abaherwe 20 ba mbere ku Isi harimo abagore batatu

Abaherwe 20 ba mbere ku Isi harimo abagore batatu


Yanditswe kuya 16-03-2013 - Saa 14:09' na Rene Anthere Rwanyange

Buri mwaka hasohoka urutonde rw’abantu bibitseho ubutunzi bukomeye kurusha abandi ku isi. Mu bashyizwe ahagaragara muri uku kwezi mu bakire 20 ba mbere ku Isi hazamo abagore batatu. Umuherwe wa mbere akaba yibitseho miliyari 73 z’amadolari, ni ukuvuga uyashyize mu mafaranga y’u Rwanda asaga Miliyari ibihumbi mirongo ine na bitandatu.

Nk’uko tubikesha igitangazamakuru gentside buri mwaka magazine Forbes ishyira ahagaragara urutonde rw’abaherwe batuye kuri uyu mubumbe.

Dore urutonde rw’abo baherwe

Carlos Slim Helu

1. Carlos Slim Helu: Umucuruzi w’umunyamerika akaba inzobere mu itumanaho. Iyi ni incuro ya 4 aza ku isonga rya bagenzi be. Umutungo we uri ku kigereranyo cya miliyari 73 z’amadolari ya Amerika.

Bill Gates

2. Bill Gates: Abikesheje Microsoft, Bill Gates asanzwe amenyerewe kuri uru rutonde. Ubutunzi bwe bugera kuri miliyari 67 z’amadolari ya Amerika.

Amancio Ortega

3. Amancio Ortega: Nyir’uruganda rukora Inditex imyenda muri Espagne ruzwi cyane ku bwoko bwa Zara. Ubu ni bwo yinjiye mu baherwe ba mbere. Yibitseho akayabo ka miliyari 57 z’amadolari ya Amerika.

Warren Buffett

4. Warren Buffett: Yibitseho akayabo ka miliyari 53,5 z’amadolari ya Amerika akura mu bigo bye bikomeye biri hirya no hino ku Isi.

Larry Ellison

5. Larry Ellison: Yafatanije na Warren Buffett gushinga Oracle Corporation, ikigo kizobereye mu micungire y’ububiko bw’ikoranabuhanga «base de données». Uyu muherwe afite ibikoresho bitagira ingano kandi ibikorwa bya Larry Ellison byamwinjirije miliyari 43 z’amadolari ya Amerika.

Charles Koch

6. Charles Koch: yibitseho akayabo ka miliyari zigera kuri 34 z’amadolari ya Amerika. Umutungo we ukomoka ku iriba rya Peteroli n’ibikomoka ku butabire.

David Koch murumuna wa Charles Koch

7. David Koch: Umuvandimwe wa Charles Koch, ayobora igice cy’inzobere mu birebana n’ubutabire muri Koch Industries. Afite akayabo ka miliyari 34 z’amadolari ya Amerikan ka mukuru we.

Li Ka-shing

8. Li Ka-shing: afite miliyari 31 z’amadolari ya Amerika. Li Ka-shing ni we ukize cyane mu Bushinwa. Uyu mwanya yawugejejweho n’ibikoresho ndetse n’itsinda rya Watson, acunga ibyambu bikomeye cyane.

Liliane Bettencourt

9. Liliane Bettencourt: Uyu mugore yibitseho miliyari 30 z’amadolari ya Amerika, akaba ari we mugore wa mbere ukize ku Isi. Umuryango we na we bafite imigabane iri hejuru ya 30 by’ikigo L’Oréal.

Bernard Arnault

10. Bernard Arnault: Nyir’ikigo LVMH,akaba anayobora ikigo ahuriyeho n’umuryango Arnault na Holding Christian Dior. Ni umufaransa wa kabiri ukize kuko yibitseho ubutunzi bwa miliyari 29 z’amadolari ya Amerika. Yasubiye inyuma kuko ubundi yari ku mwanya wa kane.

Christy Walton

11. Christy Walton: Umupfakazi w’uwashinze Wal-Mart, atunze miliyari 28,2 z’amadolari ya Amerika.

Stefan Persson

12. Stefan Persson: Umuhungu w’uwashinze ikigo cyo muri Suede H&M, afite kuva mu 1982. Afite umutungo ungana na miliyari 28 z’amadolari ya Amerika.

Michael Bloomberg

13. Michael Bloomberg: Umucuruzi wo muri Leta Zunze ubumwe za Amerika wibitseho miliyari 27 z’amadolari ya Amerika.

Jim Walton

14. Jim Walton: Umuhungu w’uwashinze Wal-Mart. Umutungo we ungana na miliyari 26,7 z’amadolari ya Amerika.

Sheldon Adelson

15. Sheldon Adelson: Umunyamerika nyir’imikino «casinos Las Vegas Sands.” Yibitseho ubutunzi bungana na miliyari 26,5 z’amadolari ya Amerika.

Alice Walton

16. Alice Walton: Umukobwa w’uwashinze Wal-Mart, yafunguye Crystal Bridges Museum of American Art mu 2011 aho yakusanyirije ibihangano binyuranye by’abanyabugeni. Konti ye muri Banki ibitseho akayabo ka miliyari 26,3 z’amadolari ya Amerika.

Robinson Walton

17. S. Robson Walton: Umuhungu w’uwashinze Wal-Mart, ayoboye ikigo gihuriweho n’umuryango we. Yibitseho miliyari 26,1 z’amadolari ya Amerika.

Karl Albrecht

18. Karl Albrecht: Umudage ufite ububiko bwa Aldi, yibitseho miliyari 26 z’amadolari ya Amerika.

Jeff Bezos

19. Jeff Bezos: Uwashinze urubuga rukomeye rw’ubucuruzi kuri internet, Amazon.com, Jeff Bezos atunze akayabo ka miliyari 25,2 z’amadolari ya Amerika.

Larry Page

20. Larry Page: Ku 39 y’amavuko yibitseho miliyari 23 z’amadolari ya Amerika. Ni umwe mu bashinze moteri y’ubushakashatsi kuri internet Google, ni we muto muti abo baherwe bose.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO