Abasirikare ba Amerika bagiye kurwanya Islamic State bari kwiyahura ubutitsa

Yanditswe na Philbert Girinema
Kuya 31 Ukuboza 2016 saa 10:50
Yasuwe :
0 0

Abasirikare ba Leta Zunze Ubumwe za Amerika boherejwe mu Burasirazuba bwo hagati kujya kurwanya umutwe w’iterabwoba uharanira gushinga Leta igendera ku matwara y’idini ya Islam State (IS), bakomeje kugaragarwaho ibikorwa byo kwiyahura hagakekwa ibibazo byo mu mutwe.

Ikinyamakuru USA Today cyanditse ko kuva hatangira ibikorwa byo kurwanya uwo mutwe ku wa 27 Ukuboza 2014, mu basirikare 31 boherejwe muri bo abasirikare 11 bapfuye bazize kwiyahura.

Inzobere mu mpamvu zitera kwiyahura kw’abasirikare, Rajeev Ramchand yabwiye Daily Mail ko zimwe mu mpamvu zitera uko kwiyahura zitumvwa kimwe, gusa ngo zishingiye ku burwayi bwo mu mutwe, ihungabana nyuma y’ibikorwa bya gisirikare no gushyirwa mu bitero byinshi birenze urugero.

Gusa ngo abasirikare bagiye bicwa n’amasasu mu gikorwa cyo guhangana n’umutwe wa Islamic State baragabanutse hashingiwe ku bitero byagiye bigabwa n’indege zitagira abapolote n’ibindi by’indege byahitanye abarwanyi basaga 50,000.

Minisiteri y’Ingabo ya Amerika ivuga ko gahunda yayo yo kurandura umutwe wa Islamic State yasize inkomere mu bihugu birimo Bahrain, Chypres, Misiri, Iraq, Israel, Jordan, Kuwait, Liban, Qatar, Arabia Saudite, Syria, Turikiya, Ubwami bw’Abarabu, ku Nyanja ya Mediterranee, ikigobe cya Peresie no ku Nyanja itukura.

Iyo mibare ntikubiyemo abo mu bitero byo mu mu Burasirazuba bwo hagati, nko mu ntambara ya Iraq mu 2003.

Ramchand avuga ko hagati y’umwaka wa 2011 na 2010, umubare w’abari bamaze kwiyahura wikubye kabiri kuko mu mwaka wa 2005, ubwo ingabo za Amerika zarwanaga intambara ya Iraq n’iyo muri Afghanistan umubare w’inkomere wariyongereye.

Mu mwaka wa 2014, iki gisirikare cyagize umubare munini w’abiyahura kuko mu bantu 269 biyahuye 28% bari abasirikare.

Abasirikare benshi ba Amerika bagiye guhashya Islamic State bakomeje kwiyahura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza