Amal Clooney yakangaranyije benshi imbere ya Loni, agaruka ku byabaye mu Rwanda

Yanditswe na Kanamugire Emmanuel
Kuya 11 Werurwe 2017 saa 08:18
Yasuwe :
0 0

Amal Clooney, Umunyamategeko ukomeye wigeze kunganira Julien Assange washinze WikiLeaks ubwo yaburanaga kugirango atoherezwa muri Suède avanywe mu Bwongereza , yakangaranyije abantu benshi imbere ya Loni ubwo yavugaga ko nta gikorwa mu guhashya umutwe wa Islamic State ndetse ngo Loni ishobora kuzisanga yakoze amakosa nk’ayabaye mu Rwanda.

Amal Clooney yaburaniye abantu bakomeye barimo Minisitiri w’Intebe wa Ukraine, Yulia Tymoshenko. Uyu mugore w’imyaka 39 ni impuguke mu mategeko mpuzamahanga no mu bijyanye n’uburenganzira bw’ikiremwamuntu akaba yarashyingiranywe n’umukinnyi wa Film George Clooney.

Kuwa 9 Werurwe 2017 ubwo yari imbere ya Loni yavuze ko ibihugu ntacyo bikora mu guhashya umutwe wa Islamic State. Yari aherekejwe n’umukiriya we Nadia Murad, wari warafashwe bugwate n’uyu mutwe.

Amal yagize ati “ Nta nyeshyamba n’imwe ya Islamic State yari yabazwa ibijyanye n’ibyaha mpuzamahanga aho ariho hose ku Isi. Ndabwira mwe Guverinoma ya Iraq namwe bihugu bigize Umuryango w’Abibumbye kandi mbaza nti kubera iki. Kubera iki nta na kimwe kigeze gikorwa? Abagirwaho ingaruka n’ibikorwa byayo bakeneye ubutabera.”

Yakomeje agira ati “ Ibikorwa bya Islamic State bigira ibimenyetso bifatika ariko nta muntu ubikurikirana. Banyakubahwa, ntabwo rirarenga kugirango mubashe guhindura ibintu. Ndatekereza ko hari ubushake muri aba bayobozi bateraniye hano kugirango muri Bagdad no mu yindi mirwa mikuru yo ku Isi babashe kugeza Islamic State imbere y’ubutabera.”

Amal yakomeje abwira Loni ko igikenewe uyu munsi ari uko abayobozi bagira icyo bakora kuri uyu mutwe hakiri kare bitaba ibyo bikazaba nk’uko mu Rwanda byagenze aho Imiryango mpuzamahanga na loni barebeye abatutsi basaga miliyoni bakicwa.

Ati “Ntimutume ibi bintu biba nk’ibyigeze kuba mu Rwanda aho muzicuza kuba mwarakoze bike kandi mukererewe. Ntimutuma Islamic State yidegembya nyuma yo gukora Jenoside.”

Kuva mu mwaka wa 2015 abarwanyi ba Islamic State bakomeje guhangayikisha bikomeye ibihugu by’i Burayi babigabaho ibitero by’iterabwoba bihitana ndetse bikanakomeretsa abatari bake.

Imijyi ikomeye nka Paris, Brussels yaribasiwe ndetse indi ishyirwa ku rutonde rw’izibasirwa mu minsi ya vuba.

Inkuru bifitanye isano:

- Kuki ISIS ikomeje gutitiza u Burayi?

- Kuki Islamic State yatangiye kwibasira insengero z’i Burayi?

Amal Clooney, Umunyamategeko ukomeye wigeze kunganira Julien Assange washinze WikiLeaks

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244