Amerika: Havumbuwe ibindi bimenyetso ko u Burusiya bwinjiye mu mabanga y’aba-démocrates

Yanditswe na Mukaneza M.Ange
Kuya 6 Mutarama 2017 saa 09:28
Yasuwe :
0 0

Ishami rishinzwe Ubutasi muri Leta Zunze Ubumwe za Amerika, ryatangaje ko ryabonye ibimenyetso simusiga ko u Burusiya aribwo bwinjiye mu mabanga y’ishyaka ry’aba- démocrates, nyuma bukayashyikiriza WikiLeaks yayashyize hanze.

Ibi bitangajwe mu gihe mu kiganiro aherutse kugirana na Fox News, Julian Assange washinze WikiLeaks yahakanye uruhare rw’u Burusiya mu gushyira hanze ubutumwa bw’abayobozi b’ishyaka ry’ aba- démocrates, buvugwaho kuba intandaro yo gutsindwa amatora kwa Hillary Clinton.

Muri raporo yashyikirijwe Perezida Barack Obama ku wa Kane ariko hagaragaramo ikimenyetso ko u Burusiya aribwo bwinjiye muri ziriya emails mu rwego rwo gufasha Donald Trump gutsinda amatora.

Mu makuru mashya ngo harimo ibiganiro hagati y’abayobozi bakuru muri Leta y’u Burusiya bishimira intsinzi ya Trump mu matora yabaye ku itariki 8 Ugushyingo 2016, ibintu bifatwa nka kimwe mu bimenyetso ku ruhare rwabo muri iyi ntsinzi.

Mu kiganiro PBS News Hour gica kuri televiziyo PBS, Visi perezida wa Amerika, Joe Biden yatangaje ko bimwe mu bikubiye muri iyi raporo bizashyirwa hanze mu gihe gito kandi bizagaragaza neza ibijyanye n’uku kwivanga mu matora k’u Burusiya.

Ni mu gihe Trump watorewe kuba Perezida wa 45 wa Amerika, yashinje ishyaka ry’aba-démocrates uburangare, avuga ko nk’uko bitangazwa na Assange, amabanga yabo yinjiwemo n’umwana w’imyaka 14.

Uyu mugabo ntiyahwemye kugaragaza ko anenga bikomeye inzego z’ubutasi zanzuye ko u Burusiya bwivanze mu matora y’iki gihugu.

Mu mpera z’umwaka wa 2016 nibwo Perezida Barack Obama yirukanye abadipolomate 35 b’u Burusiya ku butaka bwa Leta Zunze Ubumwe za Amerika, kubera uruhare igihugu cyabo gishinjwa rwo kwivanga mu matora aherutse gusiga Donald Trump atsindiye kuba Perezida.

Visi Perezida wa Amerika, Joe Biden yatangaje ko bimwe mu bikubiye muri iyi raporo bizashyirwa hanze mu gihe gito

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244