Amerika yatangiye gukura abaturage bayo muri Koreya y’Epfo

Yanditswe na Kanamugire Emmanuel
Kuya 4 Mutarama 2017 saa 02:12
Yasuwe : XX
0

Leta Zunze Ubumwe za Amerika zatangiye kwitegura ibitero bishobora kugabwa na Perezida wa Korea y’Amajyaruguru kuri Korea y’Epfo zicyura abaturage bayo baherereye muri iki gihugu.

Mu ntangiriro za 2017, nibwo Perezida wa Korea ya Ruguru, Kim Jong Un, yatangaje ko igihugu cye kigiye gukora igerageza ry’igisasu cya kirimbuzi, nyuma y’andi magerageza yagiye akorwa mu 2016.

Ibi ni byo byatumye Leta Zunze Ubumwe za Amerika, nk’umwe mu banzi bakomeye ba Korea ya Ruguru itangira gucyura abaturage bayo bari muri Korea y’Epfo, mu rwego rwo kwitegura igihe Jong Un yaba agabye igitero muri iki gihugu.

Mu kiganiro cyihariye CNN yagiranye n’umwe miryango y’abasirikare bari muri Korea y’Epfo, yasobanuriye uburyo iki gikorwa cyo gutahuka kiri gukorwa gahoro gahoro, kuko bateganya ko mu bihe biri imbere ibintu bishobora kudogera.

Nicholle Martinez washakanye n’Umusirikare witwa Nick bakaba bafitanye abana babiri yavuze ko kwimuka mu bihe by’intambara cyangwa ibiza biba biteye ubwoba, ariko ubu bakaba bari kubikora mu mutuzo.

Yakomeje avuga ko nyuma y’imyiteguro, bazerekeza mu kirwa cya Okinawa mu Buyapani, ari na ho bazava berekeza muri Amerika.

Justin Sturn utegura ibikorwa byo kwimura abaturage bitari ibya gisirikare, yavuze ko iyo biba atari ukwikanga intambara bari kohererezwa indege ikakura mu mujyi wa Seoul ibajyana muri Amerika.

Yakomeje avuga ko Abanyamerika bose bari muri Koreya y’Epfo bagomba guhora biteguye kwimuka isaha n’isaha, ariko yongeraho ko icyemezo ndakuka kizaturuka mu nzego zo hejuru muri Amerika.

Abantu batandukanye, by’umwihariko abari mu nkambi y’abasirikare ba Amerika iri Yongsan Garrison, nibo bari kwerekeza Okinawa aho bemerewe kwitwaza ibintu bike birimo ibiryamirwa n’ibyo kurya bishobora kubikwa igihe kirekire.

Bari no kwigishwa kandi uburyo bakwambara imyambaro yabugenewe irinda abana kuba bagirwaho ingaruka n’imyuka ihumanye ituruka ku bisasu by’ubumara, byibura mu gihe cy’amasaha 12.

Abanyamerika bari batuye muri Korea y'Epfo batangiye gutaha

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza