Angela Merkel yatorewe manda ya kane yo kuyobora u Budage

Yanditswe na Rabbi Malo Umucunguzi
Kuya 24 Nzeri 2017 saa 07:24
Yasuwe :
0 0

Angela Merkel yatorewe manda ya kane nk’umuyobozi w’u Budage mu matora y’abagize Inteko Ishinga Amategeko yabaye kuri iki Cyumweru, tariki ya 24 Nzeri 2017.

k’uko BBC yabitangaje, ibyavuye mu matora birerekana ko ishyaka rya Merkel w’imyaka 63, Christian Democrat party’s (CDU) ryagize amajwi 32.5% y’abatoye, bituma rikomeza kuba ishyaka rifite ubwiganze mu Nteko Ishinga Amategeko .

Irindi shyaka rya SPD ryo ryabonye amajwi 20%. Hagati aho ishyaka AfD, rizwi ho kuba ritavuga rumwe n’Abayisilamu ryagize amajwi 13.5%, bituma riba ishyaka rya gatatu rifite ubwiganze mu Budage.

Iyo mibare ivuze ko ishyaka SPD rya riyobowe na Martin Schulz ritabashije gutsinda nk’uko yabyifuzaga ngo abashe kuyobora u Budage.

Uyu mugabo wahoze ayobora Inteko Ishinga amategeko y’u Burayi, yabwiye itangazamakuru ko ari umunsi mubi “kuko tutabashije kugera ku ntego yacu.”

Ishyaka AfD ryitwaye neza kurusha uko abantu benshi babitekerezaga, rikaba rigiye kugira umwanya mu nteko ishinga amategeko y’u Budage, ku nshuro ya mbere.

Angela Merkel ayobora u Budage kuva mu 2005.

Angela Merkel yatorewe manda ya kane nk’umuyobozi w’u Budage

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza