Kwamamaza

António Guterres yemejwe nk’Umunyamabanga mushya w’Umuryango w’Abibumbye

Yanditswe kuya 13-10-2016 saa 17:18' na Mukaneza M.Ange


Inteko rusange y’Umuryango w’Abibumbye yamaze kwemeza bidasubirwaho ko António Guterres ariwe uzasimbura Ban Ki-moon ku mwanya w’Umunyamabanga Mukuru.

Kuri uyu wa 13 Ukwakira 2016 nibwo ibi byemejwe, nyuma y’uko Guterres w’imyaka 67 atowe n’Akanama ka Loni gashinzwe umutekano agahigika abandi bakandida bari bahatanye.

Uyu mugabo wabaye Minisitiri w’Intebe wa Portugal kuva mu 1995-2002, yanayoboye Ishami ry’Umuryango w’Abibumbye ryita ku mpunzi kuva muri Kamena 2005 kugeza mu Ukuboza 2015.

Inkuru igaragara ku rubuga rwa Loni ivuga ko Inteko rusange iyobowe na Peter Thomson yemeje Guterres nyuma y’uko ku itariki ya 6 Ukwakira 2016 Akanama gashinzwe umutekano koherereje abanyamuryango 193 izina rye nk’umukandida ukwiye kuyobora kuva mu 2017-2021.

Umunyamabanga Mukuru wa Loni, Ban Ki-moon yahise atangaza ko nubwo Guterres bose bamuzi, azwi cyane aho rukomeye by’umwihariko ahari ibibazo bibangamiye ikiremwamuntu.

Yakomeje avuga ko ari kenshi yahaye agaciro inama ze ndetse iteka agashima umutima yakoranaga akazi, ari nayo mpamvu ari amahitamo meza muri iki gihe bakomeje kubakira ku byagezweho mu myaka yashize, bahangana n’umutekano muke n’ibindi bibazo byugarije isi.

Biteganyijwe ko azatangira inshingano ze nk’Umunyamabanga Mukuru wa Loni ku itariki ya 1 Mutarama 2017 kuko manda ya kabiri ya Ban Ki-moon izarangira kuya 31 Ukuboza 2016.

Urutonde rw’Abanyamabanga Bakuru bayoboye Umuryango w’Abibumbye kuva mu 1945

1. Umwongereza, Gladwyn Jebb,yayoboye kuva kuwa 24 Ukwakira 1945 –1 Gashyantare 1946.

2. Umunya- Norvège, Trygve Lie, yayoboye kuva 2 Gashyantare 1946 –10 Ugushyingo 1952.

3. Umunya- Suède, Dag Hammarskjöld yayoboye kuva 10 Mata 1953 –18 Nzeri 1961.

4. U Thant ukomoka muri Myanmar, wayoboye kuva 30 Ugushyingo 1961 –31 Ukuboza 1971.

5. Umunya- Autriche, Kurt Waldheim, wayoboye kuva 1 Mutarama 1972 –31 Ukuboza 1981.

6. Umunya-Peru, Javier Pérez de Cuéllar, wayoboye kuva 1 Mutarama 1982 –31 Ukuboza 1991.

7. Boutros Boutros-Ghali ukomoka muri Misiri, wayoboye kuva 1 Mutarama 1992 –31 Ukuboza 1996.

8. Umunya-Ghana, Kofi Annan, wayoboye kuva 1 Mutarama 1997 –31 Ukuboza 2006.

9. Ban Ki-moon wo muri Koreya y’Epfo, uri ku buyobozi kuva 1 Mutarama 2007 –31 Ukuboza 2016.

António Guterres byemejwe ko azasimbura Ban Ki-moon kuya 1 Mutarama 2017

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved