Bill Clinton yanditse igitabo kigaruka kuri Perezida wabuze

Yanditswe na Dusabimana Aimable
Kuya 10 Gicurasi 2017 saa 11:23
Yasuwe :
0 0

Bill Clinton wabaye Perezida wa 42 wa Leta Zunze Ubumwe za Amerika, yatangaje ko ari gutegura igitabo kivuga ku nkuru y’umuyobozi wabuze ndetse akazanahishuriramo ibyerekeranye n’ubuzima bwo muri White House yatuyemo imyaka umunani.

Uyu mushinga Bill Clinton awuhuriyeho na James Patterson uzwi mu banditsi bakomeye ku Isi. Igitabo cy’aba bombi kitwa ’The President Is Missing’ kizasohorwa ku mugaragaro n’inzu z’ubwanditsi zikomeye muri Leta Zunze Ubumwe za Amerika arizo Alfred A. Knopf ndetse na Little, Brown and Company.

Ubuyobozi bw’inzu ya Little, Brown and Company bwemeje aya makuru kuri Twitter. Bill Clinton yabishimangiye mu itangazo yasohoye, aho yagize ati "Kwandika kuri Perezida uriho, nshushanya ibyo nzi kuri ako kazi, ubuzima muri White House, n’uburyo Washington ikora, byari byiza cyane rwose."

Umwanditsi James Patterson uri gufasha Bill Clinton kuri iki gitabo yavuze ko ubufatanye bwabo bwabyaye umusaruro mwiza uzishimirwa n’abasomyi. Yatangaje iyo yitegereje ubuhanga afite mu kubara inkuru ndetse n’amakuru ahagije bafite ku byo banditse nta kabuza abantu benshi bazishimira ibyo bateguye.

CNN dukesha iyi nkuru itangaza ko Bill Clinton na James Patterson bari gukorana ku mushinga w’igitabo ngo bamenyanye ubwo bombi bakinaga Golf mu myaka irenga icumi ishize. Umubano wabo wagiye urushaho gukura ndetse batekereza uko bawubyaza umusaruro.

Inkuru aba bombi banditse ngo ivuga ku muyobozi wa Leta Zunze Ubumwe za Amerika wabuze nk’uko umutwe w’igitabo ubivuga, gusa ngo amakuru yose acyerekeyeho azashyirwa ahagaragara cyashyizwe hanze.

Muri 2014 Patterson yayoboye urutonde rwa Nielsen Book Scan rw’abanditsi bagurishije ibitabo byinshi kurusha abandi abasha guhigika J.K Rowling wanditse icyitwa ’Harry Potter’ cyavuyemo filime zakunzwe na benshi.

Clinton wayoboye Leta Zunze Ubumwe za Amerika kuva 1993 kugeza 2001, yanditse ibitabo bizwi birimo ikitwa ’My Life’ yasohoye muri 2004.

Usibye James Patterson wabashije gukorana na Bill Clinton, undi mwanditsi witwa Curtis Sittenfeld yatangaje ko na we yabashije kumvikana n’inzu y’ubwanditsi yitwa Random House ku mushinga w’igitabo kivuga inkuru mpimbano ku buzima bwa Hillary Rodham Clinton uherutse kwiyamamariza kuyobora USA agatsindwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244