Kwamamaza

Bill Clinton yatatse umugore we Hillary bamaranye imyaka 41 babana

Yanditswe kuya 13-10-2016 saa 11:00' na Ange Mukaneza


Mu gihe bizihiza imyaka 41 ishize bashyingiranywe, Bill Clinton yafashe umwanya yandikira umugore we Hillary ubutumwa bumugaragariza ko nyuma y’iki gihe cyose akimukunda kandi amwishimira.

Ku itariki ya 11 Ukwakira 1975 nibwo Bill Clinton wigeze kuyobora Leta Zunze Ubumwe za Amerika na Hillary Clinton uri kwiyamamariza uyu mwanya bashyingiranwe.

Kuri iyi tariki, Bill Clinton w’imyaka 70 yifashishije Twitter maze yoherereza umugore we ubutumwa bukora ku mutima.

Ati “ Mu myaka 41 ishize nashyingiranwe n’inshuti yanjye magara ndetse akaba n’umuntu uharanira impinduka nigeze kumenya. Yego ndacyatangazwa nawe.”

N’ubwo Hillary ntacyo yigeze asubiza, ubu butumwa bw’umugabo bujya gusa n’ubwo nawe yamwandikiye umwaka ushize ubwo bizihizaga imyaka 40 bamaze babana. Ubutumwa bwari buherekejwe n’ifoto y’umunsi w’ubukwe bwabo.

Icyo gihe yagize ati “Mu myaka 40 ishize, nashyingiranwe n’umusore mwiza cyane wakoraga mu isomero. Isabukuru nziza, uracyari wa wundi.”

Daily Mail ivuga ko nubwo aba bombi bizihiza imyaka 41 bamaze bakoze ubukwe, Bill Clinton yakunze gushinjwa gushaka gufata ku ngufu abandi bagore n’abakobwa, ibintu Donald Trump yanagarutseho mu kiganiro mpaka giherutse kumuhuza na Hillary bahataniye kuyobora Amerika.

Gusa abagore babiri nibo bonyine Bill Clinton yemera ko yagiranye nabo umubano udasanzwe.

Bill na Hillary Clinton ubwo bizihizaga isabukuru y'imyaka 20 bari bamaze bashyingiranywe
Bill Clinton na Hillary ku munsi w'ubukwe bwabo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved