Kwamamaza

Bombori bombori mu Bufaransa hagati y’abashyigikiye Nicolas Sarkozy na Alain Juppé

Yanditswe kuya 24-10-2016 saa 11:36' na IGIHE


Abantu bagera ku 165 bo ku ruhande rwa Nicolas Sarkozy mu Bufaransa bikomye imikorere ya François Bayrou ushyigikiye Alain Juppé mu matora ya Perezida w’u Bufaransa, nyamara mu 2012 yaravuze ko azatora François Hollande.

Bakomeje guhangana na Juppé uri guhabwa amahirwe yo gutorwa, mu nyandiko yasohowe n’ikinyamakuru Journal du Dimanche, aho banenga bikomeye François Bayrou bavuga ko ari ‘‘kunyuranya n’ibitekerezo bye bya mbere.’’

Abashyigikiye Sarkozy bavuga ko bakeneye ko habaho ihererekanya ry’ubutegetsi no kwemera gutsinda mu ituze, bikarangiza imyaka itanu ishize y’amasezerano ya François Hollande atarigeze asohozwa.

François Bayrou uyobora ishyaka Mouvement Democrates ashyigikiye kandidatire ya Alain Juppé mu ba Républicains, ariko akavuga ko nawe ashobora kwiyamamaza mu 2017 mu gihe Juppé yaba atsinzwe mu matora y’ibanze.

Mu nyandiko abantu ba hafi ya Sarkozy barimo François Baroin, Eric Ciotti, Maurice Leroy na François Sauvadet banditse, bavuga ko ukugaruka mu matora y’ibanze kwa François Bayrou ku ruhande rw’aba Socialiste, byaba ari ukunyuranya n’ibitekerezo bye bya mbere.

Bavuga ko hakenewe ubutegetsi buzazamura imbaraga z’u Bufaransa mu guhangana n’ibibazo birimo iterabwoba, buzagabanya imisoro ku Bafaransa, bikagabanya igitutu abicanyi bari gushyira ku gihugu, bukazamura ubukungu bwacyo n’umudendezo w’Abafaransa kandi hagacibwa umuco wo kudahana.

Amatora y’ibanze ateganyijwe kuwa 20 na 27 Ugushyingo, bagasaba ko arangwa n’ituze, agafungura umuryango mushya Abafaransa bakongera kubona icyizere.

François Bayrou yikomwe bikomeye n'abashyigikiye Sarkozy

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved