Canada yemeye ikoreshwa ry’ikiyobyabwenge cya héroïne mu buvuzi

Yanditswe na Emma-Marie Umurerwa
Kuya 18 Gicurasi 2019 saa 01:03
Yasuwe :
0 0

Guverinoma ya Canada yatanze uburenganzira bwo gukoresha ikiyobyabwenge cya “héroïne” kizwi nka ‘mugo’ ku barwayi bafite ububabare bukabije, igihe byemejwe na muganga.

Ububabare bukabije buterwa no gukoresha ibiyobyabwenge birenze igipimo, gukoresha imiti ya magendu n’ubuterwa n’izindi mpamvu zitandukanye, bihitana benshi muri Canada.

Canada iri ku mwanya wa kabiri nyuma ya Leta Zunze Ubumwe za Amerika mu kugira umubare munini w’abaturage bahitanwa n’indwara yo kugira ububabare bukabije buterwa n’impamvu zitandukanye.

Ikigo gishinzwe Ubuzima muri Canada cyatangaje ko hagati ya Mutarama 2016 na Nzeri 2018, abaturage b’icyo gihugu 10 337 bishwe no gukoresha imiti myinshi igabanya ububabare.

Urubuga rwa Top Santé dukesha iyi nkuru rwanditse ko abafite ububabare bukabije butewe no gukoresha ibiyobyabwenge birenze igipimo, bahitamo kwivura mu buryo bwa magendu rimwe na rimwe bagakoresha imiti myinshi itujuje ubuziranenge.

Mu rwego rwo guhangana n’iki kibazo, Guverinoma yatanze uburenganzira bwo kwemerera abarwayi gukoresha ‘héroïne’ nk’umuti ariko mu gihe byemejwe na muganga ubifitiye ububasha.

Minisitiri w’Ubuzima muri Canada, Marie Ginette Petitpas Taylor, yavuze ko ‘héroïne’ izakoreshwa mu gihe imiti isanzwe ntacyo yatanze.

Yagize ati “Tuzi ko hari uburyo busanzwe bwo kuvura indwara, ariko hari igihe budakora. Itangazo ryatanzwe riraha uburenganzira abantu bakoresheje imiti irengeje ibipimo guhabwa ubundu buvuzi.’’

Umurwayi ujya kwa muganga inshuro imwe cyangwa ebyiri kubera ikibazo cy’ububabare bukabije, ni we uzemererwa na muganga gukoresha “héroïne”.

Abanya-Canada bemerewe gukoresha ikiyobyabwenge cya héroïne mu buvuzi mu gihe byemejwe na muganga ubifitiye ububasha
Héroïne iri ku rutonde rw'ibiyobyabwenge bikomeye ku Isi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza