Donald Trump yagize umukwe we umujyanama mukuru wihariye biteza impagarara

Yanditswe na Cyprien Niyomwungeri
Kuya 10 Mutarama 2017 saa 01:46
Yasuwe :
0 0

Perezida mushya wa Leta Zunze Ubumwe za Amerika, Donald Trump, yagize umukwe we Jared Kushner umujyanama mukuru wihariye, biteza impagarara.

Umucuruzi Kushner w’imyaka 35 washakanye na Ivanka, yagaragaye mu bikorwa bya politiki mu gihe cyo kwiyamamaza kwa sebukwe, Trump, ndetse umwanya yahawe ukaba wibajijweho niba atari ukwica amategeko akumira icyenewabo.

CNN yanditse ko Kushner ateganya kwegura ku buyobozi yari afite mu bigo bye by’ubucuruzi, kugirango yubahirize ibiteganywa n’amahame ya Guverinoma ndetse akemera ko azajya akora adahembwa.

Ibi ariko ntibyakuyeho ko nyuma yo kugirwa umujyanama mukuru wihariye wa Trump, Aba-Democrates bagize Komisiyo y’ubutabera basabye ko Minisiteri y’ubutabera n’ibiro bya Guverinoma bishinzwe amahame, bisuzuma niba ibyakozwe byubahirije itegeko ryo kurwanya icyenewabo.

Bavuga ko iryo tegeko ryo mu 1967 rikumira Kushner muri uriya mwanya kuko isano afitanye na Perezida watowe ritamwemerera kuwujyamo. Iryo tegeko ribuza umuntu uyoboye ikigo cya leta runaka guha akazi uwo bafitanye isano.

Bashingira ku ngingo yo kuba azajya agira uruhare mu gushyiraho politiki zimubyarira inyungu mu bucuruzi bwe, nko ku misoro n’ibindi. Kushner akora ubucuruzi mu bijyanye n’inyubako muri New York, hari hotel nshya ya Trump iri i Washington ifite aho ihuriye n’umugore we n’ubucuruzi bw’imideli bukorwa n’umugore we.

Abahanga mu by’amategeko bavuze ko Kushner yahawe umwanya utari uw’ubuyobozi kugirango atagongwa n’itegeko.

Jared Kushner usanzwe ari umukwe wa Trump yagizwe umujyanama we mukuru wihariye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza