Kwamamaza

Donald Trump yatangaje ko atazigera yemera umushahara ugenerwa Perezida

Yanditswe kuya 12-11-2016 saa 17:06' na Jean Pierre Tuyisenge


Perezida mushya wa Leta Zunze Ubumwe za Amerika, Donald John Trump, yongeye gushimangira ko adakeneye umushahara azagenerwa nk’Umukuru w’Igihugu, ko ahubwo azawukoresha mu bikorwa by’urukundo byo gufasha abababaye.

Ubwo yari ari mu bikorwa byo kwiyamamaza i Rochester muri Leta ya New Hampshire ku wa 17 Nzeri 2015, uyu muherwe yavuze ko adakeneye umushahara w’ibihumbi 400 by’amadolari bigenerwa Perezida wa Leta Zunze Ubumwe za Amerika.

Yagize ati “Ikintu cya mbere nzakora nintorerwa kuba Perezida, nta mushahara nzemera, muranyumva? Ibyo si ibintu bihambaye kuri njye.”

CBS News yanditse iyi nkuru ivuga ko iki kibazo cyabyukijwe n’abakoresha Twitter babinyujije kuri Hashtag #ASKTRUMP bamubaza niba nyuma yo gutorerwa kuba Perezida wa Amerika azaguma ku ijambo yavuze.

Umwe mu bamubajije iki kibazo ku rukuta rwe rwa Twitter, Trump yamusubije agira ati “ Sinzafata n’idolari na rimwe, nta mushahara na muto nzafata.”

Perezida wa Leta Zunze Ubumwe za Amerika ahabwa umushahara ungana n’amadolari ibihumbi 400 ku mwaka, ndetse n’ibihumbi 50 bya buri kwezi bimufasha kwishyura ibintu nkenerwa bigendanye n’izindi nshingano z’akazi.

Si Trump uzaba ubaye uwa mbere mu gufata icyemezo cyo gutanga umushahara we mu bikorwa by’urukundo kuko na Herbert Clark Hoover wabaye Perezida wa Amerika wa 31, wayoboye kuva 1929 kugeza mu 1933, wari umuherwe ukomeye ndetse na John F. Kennedy, wayoboye iki gihugu kuva 1961 kugeza muri 1963, barabikoze.

Donald Trump wari uhagarariye ishyaka ry’aba-Républicains mu matora yatorewe kuba Perezida wa Leta Zunze Ubumwe za Amerika, atsinze Hillary Clinton bari bahanganye mu matora yabaye kuwa 8 Ugushyingo 2016.

Ikinyamakuru Forbes gitangaza ko umutungo wa Donald Trump ubarirwa muri miliyari 3.7 z’amadorali ya Leta Zunze Ubumwe za Amerika.

Donald Trump yatangaje ko umushahara we azawufashisha abatishoboye
Donald Trump ubwo yari mu bikorwa byo kwiyamaza i Rochester muri 2015 yatangaje ko natorerwa kuyobora Amerika atazakira umushahara ugenerwa Perezida

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved