Kwamamaza

Donald Trump yatangiye gushyira inkoramutima ze mu myanya y’ubuyobozi

Yanditswe kuya 15-11-2016 saa 13:52' na Philbert Hagengimana


Donald Trump uheruka gutorerwa kuba Perezida wa Leta Zunze Ubumwe za Amerika (USA) yatangiye gushyira inkoramutima ze mu myanya y’ubuyobozi, aho yagize Reince Priebus Umunyamabanga Mukuru mu biro by’Umukuru w’igihugu, mu gihe Stephen Bannon we yamugize umujyanama we wihariye.

Mu itangazo yashyize ahagaragara, Donald Trump yagize ati “Ntewe ishema no gukomezanya n’ikipe ikomeye nari mfite tugakomeza no kuyobora igihugu. Steve na Reince ni abayobozi bo babishoboye, twakoranye neza mu rugamba rwatugejeje ku ntsinzi y’amateka. Ubu rero nzaba mbafite bombi mu ngoro y’umukuru w’igihugu, dufatanye gutuma Amerika irushaho kuba igihangange.”

Reince Priebus wagizwe Umunyamabanga Mukuru muri Perezidansi ya Trump, yari asanzwe ari umuyobozi w’Ishyaka ry’aba-republicains, akaba yari anafitanye ubucuti bwihariye na Paul Ryan, Umuyobozi w’Inteko Ishinga Amategeko.

Stephen Bannon yari asanzwe ari Umuyobozi w’Urubuga rwa Internet, Breitbart News, ruba ruriho ibitekerezo by’Aba-republicains, akaba ari we ugiye kuba Umujyanama wihariye wa Perezida Donald Trump.

Stephen Bannon, ni na we wari ukuriye ibikorwa byo kwiyamamaza bya Donald Trump.

Priebus ni we uzaba ashinzwe ingengabihe ya Perezida Donald Trump, kuko Umuyobozi ushinzwe gukora gahunda y’ibikorwa by’umukuru w’igihugu, akaba ari na we ushinzwe kugenzura abashaka kubonana na we.

VOA dukesha iyi nkuru itangaza ko mu iyimikwa ry’abo bagabo bombi ritavuzweho rumwe, aho bamwe nka Jonathan Greenblatt, Umuyobozi w’urugaga rushinzwe kurwanya isebanya, yavuze ko badashyigikiye ishyirwa mu mwanya rya Bannon kuko ari mu batibona na gato mu ndangagaciro z’Abanyamerika.

Stephen Bannon, wari ukuriye ibikorwa byo kwiyamamaza bya Donald Trump yagizwe umujyanama wihariye
Reince Priebus wagizwe Umunyamabanga Mukuru mu biro by’Umukuru w’igihugu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved