Donald Trump yihanganishije Israel anenga bikomeye ibyemezo bya Obama

Yanditswe na Rabbi Malo Umucunguzi
Kuya 28 Ukuboza 2016 saa 07:12
Yasuwe :
0 0

Perezida uheruka gutorerwa kuyobora Leta Zunze Ubumwe za Amerika, Donald trump yasabye Israel kwihangana akabanza akarahirira kuyobora iki gihugu cy’igihangange, avuga ko atakwihanganira ko ikomeza gusuzugurwa.

Trump yanditse ayo magambo kuri Twitter ashingiye ku mwanzuro Akanama k’Umuryango w’Abibumbye Gashinzwe Umutekano ku Isi mu cyumweru gishize, wanengaga umugambi wa Israel wo gukomeza gushyira inyubako zitandukanye ku butaka bwa Palestine igenzura.

Trump yavuze ko Israel “yirengagijwe” ndetse “igasuzugurwa,”ubwo Amerika yifataga kuri uwo mwanzuro kandi ifite uburenganzira bwo kuwutesha agaciro, buzwi nka Droit de Veto.

Trump yagize ati “Ndi kugerageza ibishoboka mu kudaha agaciro imvugo nyinshi rutswitsi za Perezida Obama n’imbogamizi agenda ashyiraho. Nubwo byari bigiye kuba inzibacyuho y’amahoro-Sibyo!”

“Ntabwo twakomeza gutererana Israel ngo ifatwe muri ubu buryo bwo kudahabwa agaciro no gusuzugurwa. Bari basanzwe bafite Leta Zunze Ubumwe za Amerika nk’inshuti ikomeye, ariko siko bikimeze. Intangiriro ya byose yari amasezerano na Iran, none ubu ni Umuryango wAbibumbye! Shikama ukomere Israel, tariki 20 Mutarama ziregereje!”

Kuri uyu wa Gatatu umujyi wa Yeruzalemu wahagaritse gutorera umushinga wo kubaka inzu inzu 492 zirimo izo guturamo, insengero n’izindi nyubako za leta, bisabwe na Minisitiri w’Intebe wa Israel, Benjamin Netanyahu.

Ni igikorwa cyabayeho mbere y’uko Umunyamabanga wa Leta Zunze Ubumwe za Amerika Ushinzwe ububanyi n’amahanga, John Kerry yiteguraga kuvuga ijambo rigaruka ku miyoborere ya Obama n’ahazaza h’amahoro mu burasirazuba bwo hagati, harimo amakimbirane ya Israel na Palestine.

Kugeza uyu munsi Abayahudi basaga 500 000 batuye mu nzu zisaga 140 zubatswe na Israel guhera mu 1967 mu duce twa West Bank n’u Burasirazuba bwa Yeruzalemu, ibintu bifatwa nk’ibitemewe mu birebana n’amategeko mpuzamahanga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244