Hillary Clinton arashinja umuyobozi wa FBI kugira uruhare mu gutsindwa kwe

Yanditswe na Philbert Girinema
Kuya 13 Ugushyingo 2016 saa 01:36
Yasuwe : XX
0

Nyuma yo gutsindwa amatora ya Perezida wa Leta Zunze Ubumwe za Amerika, Hillary Clinton wari uhagarariye ishyaka rya’aba- démocrate, yavuze ko byatewe n’Umuyobozi Mukuru wa FBI wagaruye ibirego bijyanye n’ubutumwa burebana n’amabanga y’igihugu yohereje akoresheje mudasobwa ye bwite.

Amatora yabaye ku itariki 8 Ugushyingo 2016, intsinzi yegukanwa n’umu- républicain Donald Trump wagize amajwi 274 mu gihe Hillary Clinton yagize 216.

Ku wa 28 Ukwakira 2016 nibwo Umuyobozi Mukuru wa FBI, James Comey yoherereje ibaruwa abagize Inteko Ishinga Amategeko abamenyesha ko hari email babonye zishobora kuba zifitanye isano n’ibyo Hillary Clinton yigeze gukurikiranwaho.

Ibi FBI yabitangaje mu gihe hari hashize amezi arenga abiri isanze nta kosa Hillary yakoze. Hari hamaze no kuba ibiganiro mpaka hagati ye Trump inshuro eshatu zose bikarangira ariwe witwara neza.

Mu ijambo yagejeje ku bamufashije kwiyamamaza ku wa Gatandatu, Hillary Clinton ko yari akomeje kwitwara neza no muri Leta ya Arizona ikunze kwegukanwa n’aba- républicain, kugeza umunsi Comey yashyiriye hanze ibaruwa ye.

Nubwo mbere ho iminsi ibiri ngo amatora abe Comey yatangaje ko FBI yabuze ibimenyetso byatuma Hillary Clinton akurikiranwa, uyu mugore we ahamya ko icyari kigamijwe ari ugutera ingabo mu bitugu abari bashyigikiye Trump.

Al Jazeera dukesha iyi nkuru ivuga ko itabashije kubona Umuvugizi wa FBI ngo agire icyo avuga ku byatangajwe na Hillary Clinton.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza