Kwamamaza

Hillary Clinton ashobora gusubirishamo amajwi muri leta eshatu zikomeye kubera aba-Hackers

Yanditswe kuya 23-11-2016 saa 08:39' na Cyprien Niyomwungeri


Itsinda ry’impuguke mu by’amatora n’abahanga mu bya mudasobwa basabye Hillary Clinton uherutse gutsindwa mu matora ya Perezida wa Leta Zunze Ubumwe za Amerika ya 2016, gusubirishamo ibarura ry’amajwi muri leta eshatu zikomeye kuko ngo rishobora kuba ryarinjiwemo n’abajura mu by’ikoranabuhanga ‘hackers’.

Leta ya Wisconsin, Michigan na Pennsylvania nizo leta yagiriwemo inama yo gusubirishamo ibarura ry’amajwi.

Nkuko New York Magazine ibitangaza, abahanga mu by’ikoranabuhanga bavuga ko babonye ibimenyetso by’uko amajwi yo muri ziriya leta eshatu ashobora kuba yarinjiwemo n’abajura mu by’ikoranabuhanga.

Umwe muri bo J. Alex Halderman, uyobora ishami ry’umutekano wa za mudasobwa muri Kaminuza ya Michigan, yabwiye abari bashinzwe ibikorwa byo kwamamaza Clinton ko hari ibyo kwibaza ku kubona Clinton yarabonye amajwi make mu ibarura ry’ikoranabuhanga ugereranyije n’ayo afite ku mpapuro z’itora no mu mashini bashyiramo impapuro zatoreweho.

Iri tsinda ryamenyesheje John Podesta, wari uhagarariye ibikorwa byo kwiyamamaza bya Clinton na Marc Elias wari umujyanama muri ibyo bikorwa ko hari amajwi 7% Clinton atabonye muri Wisconsin gusa bitewe n’ubwo bujura mu by’ikoranabuhanga.

Ubusesenguzi mu mibare bugaragaza ko buriya bujura bwatumye hari amajwi 30 000 Clinton yibwa muri Wisconsin n’andi majwi 10 yo mu mashuri angana n’abatoye 27 000.

Iyi mibare yerakana ko iyo habarurwa neza amajwi yo muri Michigan na Wisconsin, Clinton yari kugira 258 hakiyongeraho 20 yo muri Pennsylvania, agahita atsinda Trump.

Icyakora iri tsinda nta kimenyetso rifite gihamya ubwo bujura, rikavuga ko kuba bikekwa hari hakwiye kubaho isubiramo ry’amajwi ryigenga.

Abo ku buyobozi bwa Perezida Obama bakunze kuvuga ko u Burusiya bwaba burimo kugaba ibitero by’ikoranabuhanga mu bikorwa by’amatora, ku rundi ruhande ariko abashinzwe amatora no kugenzura umutekano w’iby’ikoranabuhanga bakavuga ko mu ntangiriro z’uku kwezi bitashobokaga ko u Burusiya bugira uruhare urwo arirwo rwose mu bikorwa by’amatora.

Mu cyumweru gitaha nibwo hamenyekana niba hasubirwamo amajwi yo muri ziriya leta. Gusa ubutegetsi bwa Obama bushyigikiye ko habaho guhererekanya ubutegetsi byihuse.

Hillary Clinton ntabwo yigeze yiyumvisha uburyo yatsinzwe na Donald Trump

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved