Kwamamaza

Clinton yagarutse ku gahinda ke nyuma yo gutsindwa na Trump

Yanditswe kuya 17-11-2016 saa 11:16' na Mukaneza M. Ange


Nyuma y’icyumweru atsinzwe amatora ya Perezida wa Leta Zunze Ubumwe za Amerika, Hillary Clinton wari uhagarariye ishyaka ry’aba-démocrates yongeye kugaragaza ko byamubabaje ndetse ko atarabasha kubyakira.

Ubwo ku wa Gatatu w’iki cyumweru yitabiraga ibirori byo gushaka inkunga yo kurengera abana mu gikorwa cyiswe "Beat The Odds", Clinton yavuze ko kuva mu rugo ngo agere aho byabereye byamugoye cyane.

Ati “Sinahakana ko kuza hano iri joro ari ibintu bitari binyoroheye. Mu cyumweru gishize hari igihe cyageraga nkumva icyo nshaka gukora ari ukwicara hafi y’imbwa zacu mfite igitabo cyiza, sinzigere nongera gusohoka mu rugo na rimwe.”

Clinton utigeze atinda cyane ku gahinda yatewe no gutsindwa amatora, yibanze ku kugaragaza uburyo yifuza kubonana na nyina umubyara, Dorothy Rodham kugira ngo amwereke ko yageze kuri byinshi kandi ariwe abikesha.

Dorothy Rodham wapfuye mu 2011 yatereranywe n’ababyeyi be akiri muto, kugeza ubwo bamwohereza kubana na sekuru ariko nyuma aza gusubira iwabo aho yatangiye kwibeshaho afite imyaka 14.

Clinton yagaragaje ko arota kumusanga aho ari akamuhumuriza amubwira ko yagize umuryango we bwite ndetse ko n’ubwo bigoye kubitekerezaho umukobwa we mukuru yakuze akaba Senateri wa Amerika, Umunyamabanga wa Leta ndetse agatorwa n’abantu barenga miliyoni 62 mu matora ya Perezida.

CNN ivuga ko kandi mu ijambo rye Clinton yanagarutse ku butegetsi bwa Trump avuga ko babigiriye urubyaro n’imiryango yabo bakwiye kudacika intege kuko bafite akazi kenshi ko gukora.

Ati “Haracyari byinshi byo gukora, igihe cyose hakiri umwana uba mu bukene muri Amerika, igihe cyose umwana abaho mu bwoba. Igihe cyose, bitari hano gusa no ku Isi yose, bahura n’imbogamizi nk’izi, haracyari akazi ko gukora.”

Uretse kuba awukorera ubuvugizi, umuryango Children’s Defense Fund, ugamije kurengera abana, Clinton yawukozemo mu myaka 1970 ubwo yari umunyeshuri muri kaminuza ya Yale.

Clinton yagaragaje ko yagowe no kwakira ibyavuye mu matora y'Umukuru w'Igihugu muri Leta Zunze Ubumwe za Amerika

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved