Ibiganiro bya Brexit bigiye kubera muri ‘Space Egg’, inyubako ya miliyoni €321

Yanditswe na Rabbi Malo Umucunguzi
Kuya 3 Mutarama 2017 saa 03:22
Yasuwe :
0 0

Ibiganiro ku kwivana k’u Bwongereza mu Muryango w’Ubumwe bw’u Burayi (EU) bigiye kubera mu nyubako y’igitangaza ya miliyoni 321 z’amayero zingana na miliyoni 274 z’amapawundi, ifite isura nk’iy’igi rihagaze, yahawe izina rya ‘Space Egg’ nubwo izina ryandikwa ry’inyubako ari Europa.

Iki ni igice gishya cy’inyubako ya Justus Lipsius ikoreshwa n’Umuryango w’Ubumwe bw’i Burayi kizaba kigenewe inzego ebyiri ziyobora EU, ni ukuvuga inteko ihuza ba Minisitiri baturuka mu bihugu byose bigize EU n’abakuru b’ibihugu na za guverinoma muri uwo muryango (Council of the EU na European Council).

Izo nzego zombi zizajya zihurira muri iyo nyubako guhera muri iyi Mutarama 2017, aho mu ntangiro z’uyu mwaka ari nabwo ubuyobozi bwa EU buzakorana buganira ku kuva muri EU k’u Bwongereza bizwi nka Brexit, urugendo byitezwe ko rushobora gufata imyaka ibiri, nyuma y’uko byatowe n’abaturage binyuze muri Kamarampaka yabaye kuwa 23 Kamena 2016.

Umushinga wo kubaka icyo gice cyihariye watangiye mu 2004, hagamijwe kwagura Justus Lipsius yari imaze kuba nto itagishoboye kwakira ibikorwa byose bya EU, mu gihe byari bimaze kwemezwa ko inama zose za EU zajya zibera i Bruxelles, aho gukomeza kuzenguruka mu bihugu byose bigize umuryango.

Icyo gihe hahise hazamurwa ikibazo ko iyo nyubako ya Justus Lipsius itari yarateganyirijwe kwakira abayobozi ba za guverinoma, kuko yubatswe ahagana mu 1980 igatangira gukoreshwa mu 1994, mu gihe EU yari igifiye abanyamuryango 12 ariko ubu ikaba igeze kuri 28.

Iyi nyubako iherereye i Bruxelles mu Bubiligi yashushanyijwe n’abahanga barimo Samyn and Partners, Studio Valle Progettazioni na Buro Happold.

Iyi nyubako ifite ibice byagenewe abayobozi bakomeye
Igice cy'inyubako kizwi nka Space Egg

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244